正計劃聖誕節期間到日本旅行的朋友,除了跟著旅遊書和blogger到處覓食外,千萬不要忘了帶同以下甜品清單,全部都是聖誕限定,今次錯過了就要等下年了!

1. 成個聖誕老人放入口!Krispy Kreme 聖誕造型冬甩

在日本相當有人氣的冬甩店Krispy Kreme大時大節均會推出季節造型冬甩,每次定必引起少女們哇哇大叫。今年的聖誕節該店就推出了4款聖誕造型冬甩,有鹿有花圈有雪人有聖誕老人,造型非常可愛,當中的聖誕老人造型冬甩更是每日數量限定,見到就好買啦!

除了造型冬甩,還有合桃Brownie牛奶咖啡(熱/冷),在這個寒冷的季節喝一口,馬上甜入心啊!

販賣期間:2015年11月2日 ~ 2015年12月25日
更多詳情:Krispy Kreme

2. 去mister Donut唔食冬甩 聖誕限定車輪泡芙夠精緻!

另一家人氣的冬甩店mister Donut今年推出了三款聖誕限定車輪泡芙(Paris-Brest),在泡芙中間夾著不同味道的鮮忌廉,再放上一個小巧的聖誕老人裝飾,造型精緻,見到都想馬上咬一啖啊!

左起:
草莓味:加入草莓和藍莓乾,每一口都大滿足啊!
朱古力口味:上面放有帶有少許酒味的Brownie﹐入口即(心)醉!
杏仁口味:舖上一層薄薄的杏仁片,滋味十足!

販賣期間:2015年11月10日 ~ 2015年聖誕期間
更多詳情:mister Donut

3. 脂肪爆炸又何妨!PABLO人氣草莓芝士撻聖誕特別版

PABLO的芝士撻可謂無人不識,每次經過定必大排長龍!PABLO的官方網頁最近就公佈了聖誕限定版芝士撻,日本人聖誕節都喜歡吃草莓蛋糕,今次的芝士撻上面就舖滿了大大顆的草莓,令人非常心動!草莓芝士撻同樣分普通版和加料版,咩減肥計劃都等食咗先算啦!

右邊為加料版,真係好邪惡啊!

20/12~25/12購買遇會附上靚靚聖誕裝飾,引死人咩!

販賣期間:2015年12月1日 ~ 2015年12月31日
更多詳情:PABLO

4. 食到舐舐脷 不二家聖誕甜品大曬冷!


不二家是日本有名的蛋糕店,其招牌吉祥物牛奶妹更是深得大人小朋友歡心。今年的聖誕節不二家就一口氣推出十款甜點,包括印有聖誕造型牛奶妹的馬卡龍、布甸連2015年限定布甸杯及多款口味的蛋糕,有選擇困難症的朋友今次真係有排煩啦!

更多詳情:不二家

5. 文青最愛 聖誕最紅Starbucks!

說到限定,又點少得Starbucks!早前Starbucks公佈了2015年聖誕杯設計,因為只得一片紅而鬧得滿城風雨,雖然外表係好重要,但內涵都係一眾愛飲Starbucks嘅文青所追求,今年的聖誕特飲有「蘋果焦糖星冰樂」和「蘋果紅茶」,用上秋冬當造的蘋果製成紅色聖誕特飲,入口更有啖啖果肉,今個聖誕必試!

販賣期間:2015年12月1日 ~ 2015年12月25日

 

延伸閱讀

【東京過聖誕】東京8大聖誕燈飾景點精選!

【東京攻略】旺中帶靜!吉祥寺必玩必食行程

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡