在首爾弘大旁的延南洞,弘大入口站 3 號出口的公園兩旁已變成人氣美食街,一定搵到首爾最潮美食!不過大大話話都有 50+間食店,但1個人只有1個胃,究竟點揀好?即刻為大家介紹 弘大美食街 3 杯心水推介,最適合在炎炎夏日買嚟消消暑,食完之後包保透心涼!

圖片來源:GOtrip編輯部

第1杯)贏造型呃 like 之選!低脂靚靚雪糕

係人都知韓妹鍾意食甜品,點解食極都唔肥?原來大家都愛食超低脂雪糕,呢間 The Dala 就是其中的人氣店,雖然奶味冇咁重,但入口勝在夠滑,老闆仲話連配料都是黑朱古力、無糖馬卡龍等低脂小食,真係1個人食1杯都唔怕肥,加上超精緻造型,相機食先完全冇問題!

雪糕及配料都是由小店親手製作,雪糕入口即溶勁順滑,不過食前記得把握「黃金一分鐘」影靚相,因為造型真係太精緻啦!
雪糕及配料都是由小店親手製作,雪糕入口即溶勁順滑,不過食前記得把握「黃金1分鐘」影靚相,因為造型真係太精緻啦!

韓妹不停畫朱古力星星,做到無停手!
韓妹不停畫朱古力星星,做到冇停手!

The Dala
地址
:서울시 마포구 동교동 152-1 (首爾市麻浦區東橋洞152-1)
電話:+82-(0)10-2073-7389
營業時間:2:00pm-10:00pm
交通:乘地鐵 2號線弘大入口站3號出口步行約5分鐘

第2杯)色彩勁繽紛!消暑軟糖梳打冰

呢間 ALOHA JENNY是韓妹最愛的自拍蒲點,裝潢充滿異國風情,又擺滿小道具任你影!最誇張是ALOHA JENNY梳打冰上放滿色彩繽紛的軟糖,視覺效果爆棚,味道似波子汽水易入口,覺得熱時飲一啖,同朋友仔吹水時又可慢慢食軟糖,1杯就滿足晒兩個願望呀!

波子汽水梳打冰唔怕太甜,超多軟糖效果好誇張,不過軟糖雪凍後略嫌有點硬。
波子汽水梳打冰唔怕太甜,超多軟糖效果好誇張,不過軟糖雪凍後略嫌有點硬。

店舖裝潢以夏威夷風為主,門口勁多擺設,自拍已經勁好影!
店舖裝潢以夏威夷風為主,門口勁多擺設,自拍已經勁好影!

ALOHA JENNY
地址
:서울시 마포구 동교동197-34 (首爾市麻浦區東橋洞197-34)
電話:+82-(0)10-4088-4448
營業時間:12:00nn-10:00pm
交通:乘地鐵 2號線弘大入口站3號出口步行約10分鐘

第3杯)超方便二合一!飲品組合牛扒杯

首爾街頭人人手上都有1個牛扒杯,原來都是W Hand Steak 出品,牛扒煎到 7 成熟,加上黑椒、芝麻等香料,香氣撲鼻,聞到即刻流口水!最重要係牛扒杯下層是飲品,拎住邊食邊飲勁方便,推介要飲檸檬梳打,冰涼感十足,想飲啤酒都一樣可以,酒鬼真係冇理由停手!

Rib Steak 牛扒杯,7 成熟牛扒配上不同香料,入口超多肉汁!檸檬梳打味道唔算太人工,檸檬味重好清爽!
Rib Steak 牛扒杯,7 成熟牛扒配上不同香料,入口超多肉汁!檸檬梳打味道唔算太人工,檸檬味重好清爽!

牛扒全部即叫即煎,人多時店員真係做到無停手,排隊 Order 完仲至少要等 15 分鐘先有得食呀,所以一定要早少少去!
牛扒全部即叫即煎,人多時,店員真係做到冇停手,排隊 order 完仲至少要等 15 分鐘先有得食呀,所以一定要早少少去!

W Hand Steak
地址
:서울시 마포구 양화로23길 30 (首爾市麻浦區楊花路23街30)
電話:+82-(0)2-891-9576
營業時間:2:00pm-10:00pm
交通:乘地鐵 2號線弘大入口站3號出口步行約3分鐘

去完 弘大美食街 歎美食,當然仲要shopping啦!想知有咩韓國飲食、shopping、玩樂、住宿優惠?即 click:

VSC0219 Outbound II_Gotrip Banner Size