出外食飯最怕就是食到不乾淨的食物,食到異物更會令到胃口全無!最近有網民大爆於大埔一間餐廳購買外賣pizza,食到一半時竟然發現疑似爛牙的異物,非常嘔心!事件引來大批網民關注,更有不少人猜測「爛牙」的真身!

食連鎖西餐廳Pizza食出半隻爛牙:超嘔心!

日前有網民於Facebook群組「中伏飲食報料區」帶圖發文,表示自己在大埔新達廣場連鎖西式餐廳euro go go購買了一份外賣pizza,但食到一半的時候居然發現pizza內發現半隻疑似「爛牙」!從事主所上載的相片可見,該異物呈圓形,外面雖為象牙白色,但中間卻有C形的黑色紋路,像極半隻已被蛀爛的爛牙,十分嘔心,令她胃口全失!

pizza 食連鎖西餐廳Pizza食出半隻爛牙
食連鎖西餐廳Pizza食出半隻爛牙(圖片來源:[email protected]中伏飲食報料區)

網民猜測異物真身:魷魚嘴?蘑菇?

帖文引起大批網民熱議,不少人都感到十分嘔心,有人更指事主所購買的Pizza有機會是「2手Pizza」。同事也有人苦中作樂,用事件「搞gag」:「係咪叫開心些牙?」、「驚你有牙」。但網民主要都是在留言區猜測異物的真身:「似蘑菇咋」、「Google吓魷魚嘴」、「我都覺得係魷魚嘴」,但事主明言自己所購買的pizza並非魷魚口味,而異物十分堅硬,所以不會是蘑菇與魷魚嘴。

pizza 網民猜測異物真身
網民猜測異物真身(圖片來源:[email protected]中伏飲食報料區)

網民懷疑事主甩牙

同時也有網民懷疑是事主在進食時「甩牙」,覺得事件未必與餐廳有關,但這個可能性亦被事主否定:「成屋都冇人有爛牙」 、「棚牙好整齊」。另外也有網民建議她向食環署通報事件:「留返啲證據報食環署等佢哋送去化驗」。

pizza 網民懷疑事主甩牙
網民懷疑事主甩牙(圖片來源:[email protected]中伏飲食報料區)

日本餐廳魚湯驚見半枝甩毛牙刷 事主:以為刷毛係魚骨

在食物中發現異物並非單一事件!一名網民於Facebook群組「澳門難食中伏團」發文,他表示之前到澳門一間日式餐廳用膳時,在餐廳叫了一碗魚湯。未料在享用魚湯時,卻發現碗內有半支米白色的牙刷,最嘔心的是牙刷上的刷毛已甩掉一半,刷毛都散落在魚湯裡面。由於他之前一直誤以為牙刷毛為魚骨,便沒為意安心飲湯:「飲咗幾多落肚就不得而知」。當他得知真相後就即時感到極度反胃:「成餐食咗嘅嘢即刻想嘔返晒出嚟」。

他即時向餐廳反映事件,廚師特意出來解釋道歉並解釋到:「牙刷係刷魚骨嘅」,而餐廳負責人其後亦到場,並向事主指出犯錯員工將會即時解僱,今次用膳全單免費,並承諾他下次光顧可以免費享用。但負責人的危機處理手法並未能平息他的怒氣:「試問食到一次咁樣,仲食到下一次嗎?」同時他亦要求食店賠償$1,000:「去洗胃又好,精神損失費用又好,親身試過就知真係會有心理陰影。」

pizza 魚湯 甩毛牙刷 示意圖,非當事人)
他要求食店賠償$1,000:「去洗胃又好,精神損失費用又好,親身試過就知真係會有心理陰影。」(示意圖,非當事人)(圖片來源:jtbc《先熱情地打掃吧》劇照)

惟負責人拒絕作出他所提出的$1,000賠償,同時指出「公司會計帳目冇辦法咁樣出數」,反而提出可以開一張擁有同等金額的會員卡讓他下次消費使用,但雙方最終都未就事件達成共識。事主後來補充到,他與一同用膳的朋友在事後發燒,更向食安中心反映事件,但食安中心只是對事件表示關注,並沒有對餐廳作出任何行動。

pizza 魚湯 甩毛牙刷 示意圖,非當事人)
事主後來補充到,他與一同用膳的朋友在事後發燒(示意圖,非當事人)(圖片來源:電影《這個夏天有異性》劇照)

網民嘩然:飲完湯可以即刻刷牙

而事主發文時上載了幾張涉事魚湯的相片,大批網民看到相片後紛紛嘩然並大呼嘔心:「食日本餐送『涮涮』湯」、「嗰兜湯仲有好多人飲過」、「隻牙刷仲要黑蚊蚊(黑鼆鼆)」、「咁大支牙刷都放埋落去,好嚴重嘅一個錯誤,個員工發緊夢定有心害個老細呀」、「飲完湯可以即刻刷牙,間店舖真細心」「其實唔駛叫佢賠,叫負責人即場食X晒佢咪得囉!」。

pizza 魚湯 甩毛牙刷 示意圖,非當事人)
網民:「咁大支牙刷都放埋落去,好嚴重嘅一個錯誤,個員工發緊夢定有心害個老細呀」(示意圖,非當事人)(圖片來源:電影《喋血雙雄》劇照)

亦有網民指他因為此事造成極大心理陰影,認為賠償十分合理「賠1000蚊抵到爛啦」。但亦有網民指出事主向店方索償指定金額做法「肉酸」:「一係食到你唔舒服,你睇醫生要求佢賠償醫療費用,直接咁叫佢畀一千你又肉酸咗。」

pizza 魚湯 甩毛牙刷 網民指他因為此事造成極大心理陰影,認為賠償十分合理「賠1000蚊抵到爛啦」示意圖,非當事人)
網民指他因為此事造成極大心理陰影,認為賠償十分合理「賠1000蚊抵到爛啦」(示意圖,非當事人)(圖片來源:電影《巴黎假期》劇照)

圖片來源:[email protected]中伏飲食報料區、電影《食神》劇照