壽司郎｜第一宗罪：人手不足忙到癲 將員工駛到盡
眾所週知壽司郎在香港開設分店後，反應熱烈，不少港人都會趁有時間到壽司郎用膳以解「思鄉之情」，但人流之多也加重了店員們的工作量。事主表示他在壽司郎任職期間，每日的工作量可以以「忙到癲」來形容，但壽司郎卻不會再招聘更多人手去分擔，「而係預到啱啱好，令你無時無刻都有嘢做，唔會有停手，駛到你盡！見你兩手fing fing得閑就叫你放飯」。
壽司郎｜第二宗罪：做餐飲無包食及飲食津貼
事主指撇除開工前的精神喊話，壽司郎內有一大堆「冇寫出嚟嘅規矩，一開始係唔會知」。不少餐廳工作都會包食或者有飲食津貼，但他就大爆壽司郎是不包飲食，也沒有任何飲食津貼。另外餐廳內的所有飲品也絕對不可以飲用，否則即炒。
壽司郎｜第三宗罪：飲水必定要返休息室 反被鬧「死咗去邊？」
而員工要飲水亦只可以回到員工休息室內才可飲用，但回到工作崗位前要再重複2次大概3-4分鐘的洗手步驟。飲完水、洗完手回到工作崗位卻又被其他同事鬧「樓面唔夠人，你死咗去邊？」同時工作期間基本上是不會有機會讓員工可以去洗手間解決生理問題，也難以飲水補充一下水份，「 如果你返夠一日8粒鐘你就要捱咁耐，或者喺嗰一個鐘頭lunch break搞掂。」他回想在壽司郎工作期間的情況，「返咗咁耐都唔係好覺啲人去廁所或者飲水，多數死頂」。
壽司郎｜第四宗罪：同事卸膊做到腰酸背痛：返份工都好似簽咗份奴隸契約
另外，他亦指出如果上班當日「唔好彩」遇上全場女同事，不少女同事都會將粗重工作推卸到他身上「多數靚女嗰啲做嘢都特別hea」，「拎到你腰都斷」令他整個人都腰酸背痛「有朋友想約出嚟都攰得滯唔出」。而較為高級的全職員工對待新員工亦極不友善「黑口黑面，問兩句又西X你」，讓他感慨到「返份工都好似簽咗份奴隸契約咁」，更無法理解其他同事在壽司郎長期工作的心態。
壽司郎｜第五宗罪：捆綁式手段強留員工
除此之外，他更大爆壽司郎會以捆綁式手段強留員工。在入職時，壽司郎會向員工分發制服，而當中就會有一對黑色工作鞋，而這對鞋正是壽司郎捆綁員工的關鍵道具！他指出如果在壽司郎工作未夠3個月就離職，公司就會要求員工賠償，「如果剩係返幾日就唔做係最蝕，間公司就用對鞋捆綁住你返落去唔俾走，除非你肯蝕$300俾佢」。
雖然時薪$65 – $70的壽司郎對無餐飲工作經驗的他而言十分吸引，但「圍起上嚟扣埋食飯時薪都係得50幾」，加上壽司郎職場上種種問題，也令他毅然辭職。
壽司郎｜網民精闢解釋：日資公司+香港人管理＝鍛煉員工奴性
這位壽司郎前兼職員工的發文引來大批網民極力讚好，不少人都大讚他發文警世的行為可以減低其他人的中伏機率：「嘢係幾好食，但睇得出好chur，日資公司+香港人管理真係當你機械人咁」、「日資嘅要求，但港資嘅待遇」、「畀你做足$70 x 8個鐘 x 30日，做到X街都係得$15,000」。
同時亦有前員工同意他的說法：「樓面真係俾狗做，啲客一到50分鐘就會叫你關心，買咗單又要即刻執枱，執完枱又要關心。冇枱執又要出嘢飲，無枱關心又要入去廚房攞嘢，啲灰衫淨係企喺度點你做嘢」。另外也有其他日資連鎖餐廳的員工有同類型經歷：「以前做過X蘭，一樣係畀狗做，啲日資成日叫埋啲無聊低能口號，收鋪做體力嘢仲要熄你冷氣，然後西工又專門吸引啲西人，mix埋一齊簡直係十八層地獄」 。
延伸閱讀：壽司郎前員工返工1日即辭職！爆3大難頂員工守則 網民：睇見又好安心
前壽司郎員工為何發文警世勿去打工？
有前壽司郎員工分享個人工作經歷，大爆壽司郎5宗罪，更形容為「畀狗做」，首先工作時不可…詳情請看
於壽司郎工作有什麼規矩要遵守？
其中，有前壽司郎員工指，員工飲水只可回到員工休息室才可飲用，但回到工作崗位前要再重複…詳情請看