人總係犯賤嘅!無論澳洲牛奶公司(「澳牛」) 夥記嘅態度幾惡劣都好,門口條人龍依然係咁長!香港人未排隊已經諗定叫咩餐,外國遊客就練定幾句點餐限定廣東話,個個都驚死被人鬧!YouTuber香港人夫Benjamin同日本人妻Momoko偏偏唔怕死,勇闖澳牛拍片,結果……

撰文:wfc|圖片:YouTube Benja & Momo Channel | 編輯:MaggieMalau @Central ( 原文刊於 《東方新地》 )

平民去澳牛拍片被狂X兼趕出門口 知名KOL就任拍唔嬲?

其實係人都知,只有大肚婆喺澳牛有「VIP待遇」,可以慢慢食、慢慢行,但YouTuber Benjamin同日本人妻Momoko就話你知,原來唔止大肚婆有特別優待㗎!究竟佢哋口中嘅「一些YouTubers」係邊個呢?而Benjamin佢哋又拍出幾「真實」嘅一面呢?

澳牛

未排隊先緊張

好啦!Benjamin同Momoko呢日去到「澳牛」,未排隊已經先緊張!真係好緊張!究竟佢哋所指,拍到「最真實一面」係點呢?大家慢慢欣賞!!

澳牛

澳牛
朝早11點幾已經大排長龍!

澳牛
「澳牛」嘅服務態度,相信各位都領教過……

澳牛
唔想被人鬧,點餐、食嘢嘅速度就要保持跑100米嘅狀態。

澳牛
Momoko就問,「澳牛」唔係賣緊一般茶記都有嘅食物咩?阿嫂真係看透世事!

澳牛
Benjamin好驚廣東話唔太靈光嘅老婆被鬧!

澳牛
所以要先訓練佢「光速點餐法」。

澳牛
請於3秒內講出「芝士三文治烘底、熱奶茶」!

澳牛
呢邊呢邊呢邊!趕羊咁趕呀!

終於入到去

好啦!終於到Benjamin同Momoko入去喇!不過行得慢少少已經被人「問候」,侍應哥哥呼喝道:「快啲!」

澳牛

澳牛
之後侍應話:「仲影?」入「澳牛」拍片,等於玩命!

澳牛
識飲熱杏霜,Benjamin真係非一般港仔喎!

澳牛
Momoko:「熱……熱……熱奶茶!」佢老公好似仲緊張過佢!

澳牛
講得太慢同講得唔清楚,被人兇!

澳牛
被「澳牛」哥哥嘅霸氣震懾了!

早餐光速上枱!

大家都知道「澳牛」出晒名光速上菜,Benjamin完全拍唔到上菜嘅一刻!

澳牛

澳牛
Benjamin:「被人催到命都冇!」

澳牛
人人都搏老命食「光速餐」,成間餐廳嘅氣氛都勁緊張!

澳牛
但佢仲得閒偷聽隔籬枱被人鬧喎!咪咁多事,快啲食呀!

澳牛
佢哋夠膽拍到呢個地步,真係勇氣可嘉!

澳牛
到埋單畀錢嘅一刻!終於因為拍片而被侍應大哥狂X!X到趕埋出門口!

澳牛
呢場戰役看似漫長,其實只有15分鐘!

澳牛
佢哋嘅結論係:冇下次!永遠都唔會再去!

同人唔同命?

好啦!上文提到Benjamin話今次可以畀大家見到「澳牛」最真實一面,但同時「一些YouTubers」喺「澳牛」受到特別厚待,原來係講緊俄仔Ansheles同鄭金鈴(Ling Cheng)?

澳牛

澳牛
真係同人唔同命!

澳牛
絕對係玩命之作!

睇番Ansheles條片,原來佢之前曾帶過妹妹去「澳牛」,諗住感受下點樣食嘢都被人鬧啦!點知個侍應哥哥同Ansheles有講有笑,真係太陽由西邊升起!

澳牛

好啦!之後到鄭金鈴條片,又係有侍應哥哥認得佢,仲好好聲氣講句:「慢慢食!」呢句說話竟然會出自「澳牛」哥哥把口!

澳牛

澳牛
侍應哥哥仲要say hi一齊上鏡!呢間真係「澳牛」?究竟發生咩事?

先睇Benjamin同Momoko「澳牛」最真實一面:

同人唔同命之俄仔Ansheles:

都係同人唔同命之鄭金鈴: