【日本FamilyMart必買】日本便利店幾乎每個星期都有新商品上架,款式多得一星期都唔知試唔試得晒!日本網友對FamilyMart近期推出嘅新品做咗人氣調查,歸納出8大最多網友好評嘅商品。一齊睇睇有咩好介紹!

撰文:C |資料來源:まとめ|圖片來源:FamilyMart、Twitter

日本FamilyMart必買 8大人氣新品

1|Cheese Cake Frappe【330円/約HK$23】

使用車打芝士、荷蘭高達芝士、忌廉芝士等3種芝士製作而成,帶有濃厚芝士風味。並與帶有淡淡酸味嘅蘋果醬混合,味道清新易入口,飲到底都唔會覺得膩。

芝士味濃厚得令人震驚,但同時又唔會搞到一口芝士臭,既特別又好味。網友甚至話味道高質到超越便利店水平!

2|珍珠奶茶冰【198円/約HK$14】

風靡日本嘅珍珠奶茶,終於以雪糕冰嘅新形式登場!呢款於4月底剛推出嘅奶茶冰,正中間係牛奶雪糕,食到最後一啖都仲食到雪糕。試食過嘅日本網友都一致好評,珍珠嘅分量都非常令人滿意。

3|士多啤梨果肉忌廉梳乎厘布甸【290円/約HK$20】

梳乎厘同布甸嘅中間夾入咗士多啤梨忌廉、士多啤梨果肉、士多啤梨醬。士多啤梨醬有濃濃士多啤梨味,又因為加入咗新鮮果肉,令味道變得清新易入口。

4|士多啤梨朱古力軟曲奇【180円/約HK$13】

一口size嘅粉紅色小曲奇非常可愛,食用方便。口感柔軟,有如溶在口中一般,士多啤梨嘅香甜味道會令人覺得被治癒一樣,充滿幸福感。網友表示,呢種柔軟順滑嘅口感好易令人上癮,想一直食落去!

5|士多啤梨x牛奶甜甜圈麵包【138円/約HK$10】

士多啤梨忌廉酸酸甜甜,煉奶忌廉亦非常濃厚,網友稱,左一啖、右一啖咁食味道好特別,酸酸甜甜嘅味道不斷交錯,非常好食,麵包又夠軟,整體感覺都令人滿足。

6|雞蛋x發酵牛油咖啡卷【168円/約HK$12】

外層有香甜嘅砂糖包圍,內側則是帶微苦嘅咖啡味,正好能中和味道。網友指,感覺非常高級,係有著成熟感嘅一款商品。

7|全麥粉朱古力撻【168円/約HK$12】

中間嘅朱古力餡料口感柔軟輕盈,朱古力味濃厚,撻皮鬆脆,味道豐富。網友更稱,被朱古力餡嘅香味治癒身心,如果有多買3個就好喇!

8|北海道產士多啤梨煉奶雪條【90円/約HK$6】

喺便利店出售嘅雪糕/雪條類產品中,卡路里控制於100左右,屬於較為低卡路里嘅甜品,即使係當宵夜咁食,都唔怕有罪惡感!加上一支只需90円,好抵食!

下一頁:日本LAWSON必買!超人氣甜品「BASCHEE」|3日銷量破100萬個 刷新史上最快紀錄!

常見問題

最新的日本入境及疫苗要求詳情?

日本入境開關最新消息,本厚生勞動省公布了最新入境放寬政策的詳情有打針及沒有打針都有相關的方法入境。在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡。而日本回港時,香港政府早前都發表了最新的香港入境檢疫措施。立即看。

去日本有什麼好去處及景點推介?

未諗好去邊好,可以看留意東京自由行大阪自由行沖繩自由行大阪新Outlet以及北海道自由行