早前妮妲旋風式襲港，令多班來往香港的客機取消。有香港旅客因香港快運航空(HK Express)從日本大阪返港的航班取消而滯留機場，HK Express一直未有安排返港航機，服務熱線又長期冇人接聽，苦主求助無門。
圖片來源： HK Express facebook專頁、《蘋果》新聞facebook專頁
HK Express在facebook專頁提醒旅客，航班受颱風妮妲影響，引來不少網民討論。
【苦主申訴】
打足 200 次電話都打唔通。
有苦主指查詢電郵零回覆，已自行找酒店住宿，但HK Express遲遲未有回應，令她感到十分無助。
大部分苦主炮轟HK Express指示含糊，當地空姐口徑不一，令旅客十分無助，又沒有安排滯留期間的食宿，加上以官方答案回應查詢，要旅客在異國機場呆等，毫無誠意。
【網民回應】
你揀得廉航就預咗啦！
苦主大吐苦水之餘，亦有兩極化的回應。
- 好彩滯留大阪機場，起碼仲有商場行有好嘢食！如果係滯留大陸機場，眼瞓都咪嗑著呀！包你行李都冇埋呀！
- 廉航遇呢啲情況點會有免費餐券同住宿？話明廉航。
- Budget airline 冇得倍是常識。
網民認為廉航機票低成本，一分錢一分貨，旅客不應發洩在地勤人員身上，不應期望廉航有超值服務，應該及早購買旅遊保險保障自己。
