《 跟住矛盾去旅行 》第一季眨眼已經束,昨晚viuTV將幕後花絮炒埋一碟,加播《場外精華》,讓大家重溫未曝光片段,不過最令人期待的,反而係片尾一班「疑似嘉賓」的訪談!

7  位「疑似嘉賓」 ;潛在政治花生


雖然「聲音經過處理」,不過節目尾聲的被訪嘉賓,都非常之咁呼之欲出,一齊「估」下到底係邊個?(既然節目打晒格仔,以下人名純粹係編輯推測 😛 )

01 | 杜汶X:唔知王X嬲乜、李X琼係八婆、葉劉就….

敢言的杜汶X接受訪問自言得罪人多,「呢行嘅人對我係有嘅,只係徹底嘅仇恨!」工作人員提過與王晶、容祖兒做旅行拍檔,杜X澤認為無乜可能、倒是對李慧琼、葉劉淑儀一齊旅行頗感挑戰,尤其認為「可以同前保安局長同行、簡直係人生榮幸」。

viral208

 02 |蕭若X:自選四大仇家

近年主力從事政評、網台工作的蕭若X剛剛宣布退休,但又口痕四處惹火頭,向攝製隊提供「4 大生死敵人」的線索; 至於首位矛盾對象,當然係「法西斯」代表陶X!

viral202

03 | 陶X:佢話搵黑人雞姦我….

才子表示,有人情縮唔多穩定、說過太多人身攻擊言論,一齊旅行機會都幾微;佢又認為矛盾Partner唔一定要同蕭若X去,向工作人員反建議,可以帶埋鬧「香港人都是狗」的大陸教授「孔慶東」去俄羅斯!

viral209

 04 |梁X琦:是仇恨、不是矛盾

本土派代表梁天X表示不能接受與警務人員同行,「就算係前任都唔得」,佢話「咁樣係穿越咗矛盾,係仇恨」,感覺自己跟劉慧卿矛盾大過葉劉淑儀……

viral206

05 | 侯志X:佢又本土、我又本土

最近組黨觸礁的上水鄉事委員,抱100%開放態度,聲稱自己「無仇人」,覺得自己可以同梁天X一齊去探究何為本土….

viral207

06 |袁彌X:葉翠翠不入流

「人力主席」唔肯回應網民訴求,拒絕同葉X翠一齊去旅行,認為對方「不入流」。

viral203

07 | MX仁:  人類都係用嚟出賣

自言對香港娛樂㽯和樂壇並不熟悉的胡鬚先生,據推測是Rapper MC 仁,他在訪問中表示希望與「林峯,容祖兒」去旅行!

viral201

節目幾時播?

雖然嘉賓組合「花生指數」十足,不過據了解以上都係試探式訪談,節目最後都無確認組合的人選,旅遊地點就更加係個謎,大家仲有冇其他建議?可以留言發表一下,等ViuTV實現大家夢想啊!

下一頁:矛盾重溫 | 林日曦 vs 蔣麗芸 決裂遊首爾 7個花生位

 相關文章

跟住Viu TV去旅行 | 話題十足 5 大旅遊節目

跟住矛盾去旅行 | 幕後爆料!長毛vs曾鈺成 波蘭行程孿情劇透9件事