航班延誤大家就聽得多,自己大頭蝦趕唔切上飛機又有冇試過?趁香港星期一(9月26日)實行「0+3」,大家心動出走去旅行前,回顧一下以前最常發生「Miss航班」的經歷,提醒一下自己勿重複犯錯!《GOtrip》早前以「一人一個miss咗飛機班次嘅經歷」為題,討論一下大家錯過咗飛機嘅經歷,結果得到眾多網民分享。飛機唔等人,大家買機票嗰刻,記住望清楚航班資料,出發當日早兩個鐘到機場,如果唔係,延誤咗行程就唔好啦!

錯過飛機 GOtrip曾收集網民經歷,發現原來很多人都試過錯失航班!
GOtrip曾收集網民經歷,發現原來很多人都試過錯失航班!(圖片來源:GOtrip編輯部)

1.同行「神隊友」拖累未能上機

去旅行總有朋友「蹺埋雙手咩都唔做」,大安旨意跟隨大隊「話點就點」,雖然可免卻了行程上的紛爭,但有時「神隊友」真是會在最後一關出事!

十幾年前同 3 個朋友去日本自由行,其中 2 個去秋葉原買嘢,班機就 18:00 飛,約咗14:45 喺旅館門口等,但佢哋 2 個就差唔多 16:30 先趕到去旅館門口,最後去到機場已經 17:35,理所當然櫃檯姐姐話飛機已經過晒 check in 時間,唔畀我地上機啦!最嬲係問點解佢哋可以遲到,原來佢哋 2 條友去咗買 18 禁成人誌、同埋 2 本寫真, 揀太耐遲咗。 同我一齊準時到嘅朋友深呼吸一下,然後走咗出去食煙;而我就拎個電話出嚟,自拍指住嗰兩條友話佢哋為咗買鹹書 Miss咗班飛機,我發誓佢哋結婚嗰日我一定會拎返出嚟畀賓客睇。

2.坐錯公共交通工具方向 早到變遲到

有時命運總愛作弄人,偏偏在你以為萬全的時候上錯車!外地交通工具未必太熟悉時,坐上倒頭車真是頭痛!有不少網民指自己都曾因此而錯失航班,只可嬲自己倒霉!

那一年帶著70歲呀媽同7歲呀女自由行,同樣係自己第一次去大阪同京都,去機場時在大阪月台等位置無錯,但上錯班好似去日出康城咁輪迴車去咗奈良,回頭去到機場counter已無人。
第一次去東京,成田落機,無睇回程,以為都係成田走,點知係羽田走。

3.Passport總在重要關頭「鬼掩眼」

有時候手上拿著電話,卻發現自己周圍都找不到電話,以為弄失,搞了一大輪後才發現電話在手上。此情況亦常發生在旅行臨出發或回程時,找不到Passport一樣。

去到機場揾唔到passport, 然後叫人入我房發現跌咗落間房個地板。

4.身體不適上唔到機

去旅行期間生病一定是最掃興的事,不過在未上機入閘前,就開始肚痛、頭暈、作嘔,最後仲錯過埋check-in或者上機時間,就一定係「慘上加慘」喇!

錯過飛機 有時急起上嚟真係好難忍...… 雖然今次旅行去唔到,但起碼有得退番部分旅費!
有時急起上嚟真係好難忍…… 雖然今次旅行去唔到,但起碼有得退番部分旅費!(圖片來源:LIHKG)

錯過飛機 呢位網民好似去咗二度空間咁...… 但總算等到下班飛機繼續行程!
呢位網民好似去咗二度空間咁…… 但總算等到下班飛機繼續行程!(圖片來源:LIHKG)

5.記錯出發日期搵窿捐

記住!買機票時要睇清楚出發日期、時間,出發前都要再double check!

試幻想下,本來滿心期待地拿著護照去櫃枱check-in,但地勤就同你講:「先生,你班機尋日飛走咗喇!」心情馬上跌落谷底,仲想搵窿捐……

當年去北海道 ,回程時第二日去到機場等咗幾個鐘以為班機無限delay (因為每次旅行都係delay no more ),然之後突然發現係尋日嘅機票~當時男朋友驚我嬲,偷偷去廁所即刻買咗當日機票,結果由朝早等到夜晚先上機。

錯過飛機 地勤:「先生,你班機尋日飛走咗喇!」
地勤:「先生,你班機尋日飛走咗喇!」 (圖片來源:《我可能不會愛你》劇照)

錯過飛機 人生總會有大頭蝦的時候,不過試過一次就好。
人生總會有大頭蝦的時候,但試過一次就好了。(圖片來源:LIHKG)

錯過飛機 酒店住宿都蝕埋!
酒店住宿都蝕埋!(圖片來源:LIHKG)

錯過飛機 有好多網民都表示有相似的經歷。
有好多網民都表示有相似的經歷。(圖片來源:LIHKG)

錯過飛機 學下呢位朋友仔,核對多幾次航班資料啦!
學下呢位朋友仔,核對多幾次航班資料啦!(圖片來源:LIHKG)

6.「懶醒朋友」累事:Check-In半個鐘搞掂?

同成班朋友一起去旅行係一件好開心嘅事,但如果遇著啲冇時間觀念的旅伴就會非常傷腦筋。

無論自己有幾小心謹慎都好,總會被他/她拖累,輕則搭錯車、去錯景點,重則就是遺失護照、錯過飛機!

錯過飛機 冇時間觀念的旅伴令人非常傷腦筋。
冇時間觀念的旅伴令人非常傷腦筋。(圖片來源:《原諒他77次》劇照)

錯過飛機 明明預早時間,但去錯機場。
明明預早了時間,但去錯機場。(圖片來源:LIHKG)

錯過飛機 好心提醒朋友要早啲到,但結果都係遲到。
好心提醒朋友要早啲到,但結果都係遲到。(圖片來源:LIHKG)

錯過飛機 買錯機票都係常犯錯誤之一。
買錯機票都係常犯錯誤之一。(圖片來源:LIHKG)

7.瞓過龍

睡眠對於香港人嚟講,真係好重要,但瞓還瞓,特別係搭早機嘅朋友,記住校多個鬧鐘以備不時之需,上咗機再慢慢瞓啦!

錯過飛機 搭早機嘅朋友,上咗機再慢慢瞓啦!(新傳媒資料庫)
搭早機嘅朋友,上咗機再慢慢瞓啦!(圖片來源:新傳媒資料庫)

錯過飛機 自己延誤又咁啱遇著航班延誤,但未必次次都咁好彩。
自己延誤又咁啱遇著航班延誤,但未必次次都咁好彩。(圖片來源:LIHKG)

錯過飛機 唔係每個人都可以好似呢位網友咁好彩,可以唔使錢轉另一班機!
唔係每個人都可以好似呢位網友咁好彩,可以唔使錢轉另一班機!(圖片來源:LIHKG)

錯過飛機 如果真係起唔到身,不如下次book下午嘅回程航班。
如果真係起唔到身,不如下次book下午嘅回程航班。(圖片來源:LIHKG)

8.遲到

飛機唔等人,遲到真係唔可以怨航空公司,只可以怪自己……

錯過飛機 遲到真係無得怨(新傳媒資料庫)
遲到真係冇得怨。(圖片來源:新傳媒資料庫)

錯過飛機 如果錯過咗回程航班,而下班機要9日後先有位,就大件事。
如果錯過咗回程航班,而下班機要9日後先有位,就大件事。(圖片來源:LIHKG)

錯過飛機 你等人,但飛機唔等你啊!
你等人,但飛機唔等你啊!(圖片來源:LIHKG)

9.過安檢太慢排隊排出禍

預足時間排隊安檢是常識吧!但有時候遇著慢生活的安檢人員,你心急都無用!

雲南為左食碗過橋米線,之後安保太長龍。追唔上飛機。
有啲國家真係做嘢好慢,原本都預夠時間,點知佢哋他他條條咁,最後同行6人,得2人上到機,激死!

圖片來源:LIHKG、新傳媒資料庫、電影劇照