每次認識新朋友,佢哋知道我做空少都會問幾條問題,其中必定包括「有冇遇過好衰嘅客」?飛咗咁耐,自問自己係一個幾幸運嘅人,呢份工作畀到自己嘅開心時刻同埋難忘經歷非常之多,遇過嘅好人好事好多,但係上得山多,點都會遇過幾隻虎。今次就分享下幾個我曾經遇到嘅被侮辱時刻。

撰文:業餘空少飛Sun | 圖片:新傳媒資料庫

空少親歷4個被侮辱的瞬間……

個案1 | 慘被大媽圍

試過有一群大媽一上到機就興高采烈,一個二個攞住部手機四圍影。旅行時想記錄每個開心時刻本來唔係咩大問題,但係影得太忘形時阻塞機艙走道,阻礙到其他人登機,我哋就點都要做番啲嘢。

空少專媾靚女乘客?空姐會被人摸屁股?空服員親歷4個被侮辱的瞬間...

動身上前想勸佢哋坐好,面前就十部八部手機圍住,被人360度全方位超高清咁影影影。

空少專媾靚女乘客?空姐會被人摸屁股?空服員親歷4個被侮辱的瞬間...
其實我都係打份廉價工,唔係咩公眾人物,一瞬間被十幾個大媽「輪」咗我嘅肖像權,真係嚇到呆咗。好彩有同事幫手呼喊叫停,先控制到嗰時混亂嘅場面。

個案2 | 拍!拍!拍

話說阿豬媽性子都比較急,加上同我哋又言語不通,當佢哋有事想搵我哋嗰時,就好鍾意直接用身體碰撞的方式換取注意。

不論你係男定女,佢哋一想搵你時,隨手就會拍落去,大髀呀臀部呀呢類比較私人嘅部位,佢哋都會毫不猶豫咁拍落去。起初唔習慣時,真係會覺得有啲受辱。我本身都唔喜歡被陌生人掂,仲要一嚟就被人拍屁股咁越級挑戰?最慘係你好聲好氣用英文向佢哋解釋唔可以拍你嗰時,佢哋又會擺出一副似懂非懂的表情,轉過頭又開始拍過。

空少專媾靚女乘客?空姐會被人摸屁股?空服員親歷4個被侮辱的瞬間...

個案3 | 你哋只係奴婢嚟咋!

一般空姐空少都唔喜歡乘客將食完嘅餐盤放喺地上,因為咁樣空服員收餐盤時,就要跪喺乘客面前執拾,感覺唔太舒服。好多時候我哋都會禮貌性咁要求乘客遞一遞地上個餐盤畀我哋,其中十居其九都會好樂意合作。

空少專媾靚女乘客?空姐會被人摸屁股?空服員親歷4個被侮辱的瞬間...

但就試過有一次遇到個中年男人,唔肯合作之餘,仲要出言不遜,佢仲話:「你哋唔好喺度扮晒矜貴呀!換著係古時,你哋只不過係奴同埋婢咋!」

空少專媾靚女乘客?空姐會被人摸屁股?空服員親歷4個被侮辱的瞬間...

個案4 | 拍手叫狗

試過有一次有個乘客企起身,想呼喚不遠處嘅同事,正常情況下,乘客會選擇用服務鈴或者簡單嘅呼喊或揮手示意。偏偏呢位乘客用咗一種只適合用於寵物嘅方法,佢先拍兩下手,然後張開兩手做出示意「過嚟啦」的身體動作。上面提到會有人當空服員係奴婢,似乎都有人當空服員根本唔係人。

以上幾個事件都係一啲比較極端嘅例子,並唔係時時都會發生。世界咁大,愈做得耐,愈會發現原來呢個世界真係咩人都有,以前年少無知小小玻璃心比較容易碎,曾經都會為一啲唔開心嘅事情動過氣,依家睇番其實都唔算係咩大事情,要嬲要唔開心都不過一時三刻。

空少專媾靚女乘客?空姐會被人摸屁股?空服員親歷4個被侮辱的瞬間...
而且我好相信一個人對待服務者嘅態度係好,能夠反映出佢自身嘅個人品格,所以當有人對我哋做出唔尊重嘅行為時,應該感到羞恥感到唔開心嘅人,點都唔應該係我哋。

下一頁:空姐流言終結 | 再問我反枱!9 個 空姐 聽完會反白眼的說話