搭飛機禁忌|早前有人於連登討論區上發起「今日去食M記堂食畀人話唔執清張枱先走」一文引起大眾關注,因為雙方都持有不同意見,有人「有手尾」做整理這個行為當然值得嘉許,但亦有「執枱員」及空中服務員反對,有一名空少分享乘客太有手尾反而會幫倒忙!以下列出5個乘客好心做壞事的例子。

搭飛機禁忌|弄巧反拙的5種行為

01 | 用膳後將飛機餐嘅碟仔疊高

有可能因為受由細到大嘅飲食文化影響,喺酒樓、茶記食嘢嗰陣都會慣咗手勢順手將食完嘢將啲兜仔碟仔整齊疊高,以為會好方便人哋收嘢,但原來喺飛機上係屬於「做多咗嘅行為」。事關飛機上面係用餐車收嘢,但係餐車入面有層隔放置餐,如果太疊得高嘅話,係會令到啲餐盤塞實晒,更要花多一步拎返落嚟。

搭飛機禁忌 好心做壞事4大例子|空少爆料:乘客太好手尾 做多咗啦!
所以食完之後,其實唔需要刻意再執盤入面嘅嘢,空姐點樣畀你,你就點樣畀番空姐就得喇!(圖片來源:GOtrip編輯部)

搭飛機禁忌 好心做壞事4大例子|空少爆料:乘客太好手尾 做多咗啦!
如果想睇落去冇咁雜亂,可以學日本乘客咁,張開餐巾鋪喺上面都得。(圖片來源:GOtrip編輯部)

02 | 自己收餐盤入廚房

亦都會有乘客會超好手尾,將食好嘅餐盤拎埋入廚房,但其實對空中服務員嚟講唔太方便。因為飛機上的人手未必充足,坐喺頭幾行嘅客人食完個餐嗰時,可能空姐空少仲派緊餐畀最後面嘅乘客,攞到個餐盤入廚房都未必有空閒嘅人手幫你收拾。

搭飛機禁忌 好心做壞事4大例子|空少爆料:乘客太好手尾 做多咗啦!
亦都會有乘客會超好手尾,將食好嘅餐盤拎埋入廚房(圖片來源:GOtrip編輯部)

另一個情況係有人手喺廚房入面,但係好多乘客都自己攞餐盤入廚房,佢哋就會忙住喺廚房入面收拾乘客攞入嚟嘅嘢,其實變相係延遲咗空姐空少出去客艙收餐嘅時間。

搭飛機禁忌 好心做壞事4大例子|空少爆料:乘客太好手尾 做多咗啦!
其實諗番空姐空少點樣都會推架車出嚟,一定會經過所有乘客坐過嘅位置,自己攞番個盤畀佢哋都唔會幫到佢哋行少咗。(圖片來源:GOtrip編輯部)

咁當然,如果有特別要求,例如想用洗手間或者需要用枱,都可以早少少畀返個餐盤空姐空少,點都好過用call light叫人收嘢咁麻煩到人嘅。

03 |  自己斟熱飲

有乘客會唔想麻煩到空姐空少,甚至會自己去斟熱飲,但其實此舉十分危險 !

搭飛機禁忌 好心做壞事4大例子|空少爆料:乘客太好手尾 做多咗啦!
嗰樣嘢就係熱飲喇!(圖片來源:GOtrip編輯部)

有時啲乘客行過廚房見到部熱飲機,就會順手self-service。但係其實基於飛行安全考量,熱飲係應該由空中服務員喺乘客嘅座位上提供嘅。好多時乘客喺廚房叫完熱茶、咖啡或者熱水,都會話自己攞返去或者喺廚房飲得喇!但空姐空少都會話:「唔緊要,你返埋位先,我等陣會攞去你個位度喇!」
原因係,萬一乘客攞住杯熱飲喺機艙行走嗰時跌親,又或者突然遇上氣流,唔小心淥親自己或者其他人都唔好。

搭飛機禁忌 好心做壞事 同埋,如果手上攞住熱飲就千祈唔好帶住你杯熱飲離開座位喇!如果你坐得太耐唔想咁快坐番埋位,不妨考慮下叫住凍飲先。
同埋,如果手上攞住熱飲就千祈唔好帶住你杯熱飲離開座位喇!如果你坐得太耐唔想咁快坐番埋位,不妨考慮下叫住凍飲先。(圖片來源:GOtrip編輯部)

04 | 上機放完行李後閂行李櫃

唔少人上機放完行李都會閂返個行李櫃,但後面上嘅客未必會知,所以又會click返開先發現滿哂。所以淨係上機都已經要又開又閂至少三次,令到行李櫃門好易壞,好可能到落機嘅時候會開唔到,又要用勁力先開到,仲有空少因為咁而拉傷背部。所以上機放好行李後就坐定定等起飛,空中服務員會一次過閂哂,咁就最方便到大家。

05 | 落機閂行李櫃

有部份乘客落機拎完機上嘅行李後,都會順手將行李櫃門閂返埋,但其實所有乘客落機後,空姐空少係需要打開全部嘅櫃門檢查一次,確認機上無乘客遺留物品。所以如果拎完行李之後,乘客大可以放心落機,唔使再閂返埋行李櫃門。

搭飛機禁忌 好心做壞事4大例子|空少爆料:乘客太好手尾 做多咗啦!
如果你想幫手閂櫃門,未起飛之前你見到行李櫃滿咗,我哋都會好樂意你順手閂一閂嘅!(圖片來源:GOtrip編輯部)

時不時都會遇到有啲好好心嘅客人,佢哋話成日都會睇某啲航空公司秘密網,知道我哋呢行其實都有好多辛苦嘢或者難做嘅地方,所以冇咩事都唔想太麻煩到我哋嘅同事。其實乘客有呢種咁體諒嘅心意,我哋作為空中服務員已經好感動。
不過我哋出糧打份工,照顧乘客需要其實都係分內事,如果真係有需要,我相信專業嘅同事們係唔會嫌麻煩㗎!

搭飛機禁忌 好心做壞事4大例子|空少爆料:乘客太好手尾 做多咗啦!
空少話照顧乘客需要係分內事,有咩出聲就得(圖片來源:電影開心直航截圖)

網民:搭飛機又唔係去食自助餐

不過有一樣咁好手尾嘅網民就表示:「可能平時慣咁手勢食完飯會疊返好,唔知其他地方嘅人會唔會都係咁呢?」 、「閂行李櫃係因為身高生得太高,唔閂埋會撞到頭,又會好逼所以先幫手」。亦有網民話:「我太矮了,唔夠高閂返埋個櫃」、「見到佢哋送餐用餐車啲隔間咁窄所以就無疊返啲兜仔,即使平時出去食飯會咁做」、「自己去廚房太過份啦,搭飛機又唔係去食自助餐」、「淥親隻手會上級人問話,唔好搞到人哋俾人投訴!」

常見問題

上機放行李後行李櫃關定唔關好?

唔少人上機放完行李都會閂返個行李櫃,但後面上嘅客未必會知,所以又會click返開先發現滿哂。所以…詳情請看

坐飛機用完餐後,有什麼需注意?

有乘客會超好手尾,將食好嘅餐盤拎埋入廚房,但其實…詳情請看

撰文:Christine Chau圖片來源:GOtrip編輯部