農曆新年就快到,唔少人都會選擇「過大海」賭一賭,行個大運。今次記者Mandy就帶大家 新年澳門掃街 搵美食,失傳懷舊冷糕、地膽推介豬扒麵、著名北海道芝士蛋糕、全港澳首間韓國早餐店,食盡新潮、懷舊美食!

text:[email protected]新假期

01 | 失傳潮州小食  全澳唯一冷糕店

作為90後嘅我,冷糕呢個名,聽就聽得多,但係唔好話食,就連見都未見過,今次去到澳門就決定要尋找呢間遠離遊客區嘅傳統食店:吳廷記。提提大家,農曆新年期間,吳廷記會暫定出售冷糕,改為賣年貨,要初十之後先有得食,我就好好彩咁趕到尾班車。

全澳唯一冷糕店
店主咁多年嚟都親自操刀製作冷糕,由黑頭髮賣到而家滿頭白髮都依然堅持。

冷糕係六、七十年代嘅流行潮州特色小食,但係因為製作工序複雜,所以已經愈來愈少人會整。冷糕嘅讀音比較特別,同潮州「打冷」個「冷」字讀音相同,果然係來自潮州,連讀音都寧舍「潮」。

macau001

冷糕食落外脆內軟,有少少似雞蛋仔,但係就更加煙韌,加埋花生碎、砂糖等等,又有少少似格仔餅。新鮮熱辣嘅冷糕,外層直頭脆到好似薯片咁,不過凍咗之後就會開始變韌,所以大家記得趁熱食喇!

macau019
唔講唔知,原來冷糕只係秋冬先有得食,因為天氣太熱嘅話,糖就會比較容易融化,冷糕就做唔到咁「企身」,所以只有每年11月至下年5月有得賣。

吳廷記

地址:澳門下環下環街15號地舖
電話:(+853) 2856 5393
營業時間:星期一至日09:00-17:30  初十先有返冷糕出售

02|  地膽推介  關閘文記豬扒麵

位於關閘嘅文記豬扒麵,係記者嘅澳門朋友誠意推介,佢話雖然近年嚟都多咁遊客慕名而來,但係豬扒麵一樣咁有水準。但係要注意係年廿八就收爐,初六先會開!親身試過之後,發現果然冇介紹錯,豬扒整得極香口,雖然好熱氣,不過因為太好食,都要放縱一下。提提大家,嚟到記得要試埋文記秘製辣椒油,愛辣嘅我簡直食到停唔到口!

雙扒蛋麵(MOP 36)個人推介大家記得加蛋,半熟嘅蛋漿撈埋公仔麵簡直係世界級!
雙扒蛋麵個人推介大家記得加蛋,半熟嘅蛋漿撈埋公仔麵簡直係世界級!

澳門嘅豬扒普遍都比較薄,而且炸得比較乾,不過豬扒唔算太瘦,所以都好味。
澳門嘅豬扒普遍都比較薄,而且炸得比較乾,不過豬扒唔算太瘦,所以都好味。

文記豬扒麵

地址:關閘廣場新寶花園地下W
電話:(+853) 2823 0506
營業時間:07:30-17:00(每月1號、11號、21號休息一天)年廿八收爐,初六開市

03 | 唔駛去韓國都食到!全港澳首間Isaac Toast & Coffee

未去過韓國嘅我,都久仰當地出晒名嘅Isaac Toast,而家終於喺近近哋嘅澳門都有得食喇!相信韓國愛好者對 Isaac Toast 都唔陌生,好多人都試過為咗呢件三文治而一早起身,最出名嘅火腿芝士吐司,喺明洞分店就已經日售過千份。

呢款烤安格斯牛吐司每日限量100份,不過當日下晝去到都仲有得賣,超級足料,厚到一啖都咬唔晒。(MOP 48)
呢款烤安格斯牛吐司每日限量100份,不過當日下晝去到都仲有得賣,超級足料,厚到一啖都咬唔晒。(MOP 48)

麵包烘得啱啱好,超脆!而且加咗蛋黃醬,甜甜哋,食落同火腿芝士好夾!(MOP 29)
麵包烘得啱啱好,超脆!而且加咗蛋黃醬,甜甜哋,食落同火腿芝士好夾!

網上見過有朋友仔話要排20分鐘隊先有得食,但係我當日就好好彩,一去到就有位,祝各位好運。

Isaac Toast & Coffee

地址:澳門龍嵩正街8D號祐生大廈地下A1座
電話:(+853) 2832 9993
營業時間:星期二至日8am-8pm

04 |  澳門名物  世紀咖啡厚蛋多士

香港出名有「厚多士」,澳門都出名有厚蛋多士。世紀咖啡外賣店位於大三巴附近嘅小巷盡頭,記者都差啲 miss咗睇佢唔到。店外長期都排住長龍,無論本地人定遊客都有,有網民話世紀咖啡係大三巴附近少數本地人仲會幫襯嘅食店,質素有返咁上下保證。

今次冇揀到豬扒包,反而揀咗咸牛肉,咸牛肉味道啱啱好,唔會太咸,重點係個厚蛋!真係好好味!好好味!好好味!(重要的事要講3次)厚蛋煎得啱啱好,咬開入面仲有蛋漿流出嚟,絕對唔會太老,一個字:無得彈!

咸牛肉厚蛋多士(MOP 23)
咸牛肉厚蛋多士

除咗多士之外,花生奶油方塊亦係另一推介!雖然近幾年好多地方都有得食類似嘅甜品,但係呢個絕對係我食過最好味嘅奶油方塊,每塊都烘得啱啱好,唔會太淋又唔會太硬,而且花生醬同奶油都十分足料,每啖都會被醬料「漿」住個口,超級邪惡!再加上有花生粒喺表面,口感更加豐富。

花生奶油方塊(MOP 25)
花生奶油方塊

叫得世紀咖啡,又點少得咖啡呢?呢度嘅咖啡係用炭燒瓦煲煮成,熱飲炭燒味比較濃,變相有啲苦,不過可以自己加糖;凍飲就反而有啲太甜,記者喺現場都聽到唔少熟客都叫少甜,下次嚟到都會醒目識得叫少甜。

左:秘製香滑奶茶(MOP 17)右:炭燒瓦煲咖啡(MOP 20)
左:秘製香滑奶茶  右:炭燒瓦煲咖啡

世紀咖啡外賣店

地址:新馬路賣草地里7-15號長信大廈地下
電話:(+853)6377 9664
營業時間:星期一至日11:00-19:00 初五開市

05 | 新增茶市 抵食順德炸鮮奶

之前都聽過呢間太艮堡陳老太順德料理幾出名,但係一直都覺得價錢有少少貴,所以冇去試。大部份主菜單上嘅嘢食茶市都有提供,可以過足口癮。

macau003

 

macau002
好少見到炸鮮奶有長條形,外層行鬆化路線,唔會太脆,食落唔會太甜,啱啱好。

炸春花卷其實係韭菜豬肉餅,同市面上嘅唔同,呢個炸春花卷十分足料,豬肉味超香!(MOP 25)
炸春花卷其實係韭菜豬肉餅,同市面上嘅唔同,呢個炸春花卷十分足料,豬肉味超香!

煎墨魚餅非常彈牙,好似食緊墨魚滑咁,直頭懷疑廚師以100%墨魚肉製成,超足料!(MOP 30)
煎墨魚餅非常彈牙,好似食緊墨魚滑咁,直頭懷疑廚師以100%墨魚肉製成,超足料!

食得順德菜,又點少得陳村粉呢?不過呢窩豉油皇炒陳村粉就比較多油,即使加咗木耳,都中和唔返個油份,而且炒得亦唔算均勻,建議大家想試陳村粉嘅可以試排骨蒸陳村粉,冇咁油膩。(MOP 60)
食得順德菜,又點少得陳村粉呢?不過呢窩豉油皇炒陳村粉就比較多油,即使加咗木耳,都中和唔返個油份,而且炒得亦唔算均勻,建議大家想試陳村粉嘅可以試排骨蒸陳村粉,冇咁油膩。

太艮堡陳老太順德料理

地址:新口岸孫逸仙大馬路澳門漁人碼頭意大利館地下
電話:(+853) 2881 3322
營業時間:星期一至日11:30-03:00 全年無休
茶市時間:11:30-17:00

06 | 新濠影匯食街  獨家分子雪糕包

上年11月開幕嘅新濠影匯,酒店入面嘅設施當然夠晒新淨,而且人流唔算太多,行起上嚟好舒服。以本地美食為主嘅「澳門食街遊」,以小食攤檔為主,今次介紹嘅 SCIENCE LAB 算係當中最受歡迎嘅一間。分子雪糕喺香港已經唔算新鮮,但係澳門相對就比較少,加上將雪糕放喺麵包上面,食落都幾新鮮。

一見到呢個吞拿魚粟米包就已經想試,吞拿魚味嘅分子雪糕入面加咗粟米粒,口感都幾特別,而且麵包烘過,一冷一熱咁都幾好食!(不過賣相就有少少理想與現實喇…)

不過想一啖食晒雪糕同麵包就有啲難度,建議大家將麵包撕成小塊,再沾雪糕食。(MOP 50)
不過想一啖食晒雪糕同麵包就有啲難度,建議大家將麵包撕成小塊,再沾雪糕食。

試完新嘢就試返個傳統少少嘅,呢個海鹽焦糖食落唔會太甜,咸同甜嘅比例啱啱好,食到停唔到口。(MOP 50)
試完新嘢就試返個傳統少少嘅,呢個海鹽焦糖食落唔會太甜,咸同甜嘅比例啱啱好,食到停唔到口。

SCIENCE LAB

地址:路氹連貫公路新濠影滙購物大道2樓2077號舖
營業時間:星期日至四10:00-23:00;星期五及六10:00-00:00

07 | 心穎BB都食!北海道芝士蛋糕Pastry Snaffle’s

185

北海道出晒名嘅 Pastry Snaffle’s 輕乳酪蛋糕店,終於開到嚟澳門,連心穎BB都支持!店舖位於官也街附近,十分方便。Catchcake 全部由日本空運直送,質素絕對有保證!

Catchcakes味道有原味、朱古力味、椰子味同抹茶味,不過當日去到就只得原味同朱古力味賣。
Catchcakes味道有原味、朱古力味、椰子味同抹茶味,不過當日去到就只得原味同朱古力味賣。

Catchcakes入口即溶,芝士味極濃,口感好似食緊空氣咁,但係同時又好飽肚,雖然聽落好矛盾,但係如果你食過就會明!(MOP 238/8個)
Catchcakes入口即溶,芝士味極濃,口感好似食緊空氣咁,但係同時又好飽肚,雖然聽落好矛盾,但係如果你食過就會明!

提提大家,如果心大心細唔知揀咩味好,可以選擇雙併,價錢一樣,但係可以有兩種口味,都幾friendly。

Pastry Snaffle’s

地址:氹仔舊城區水鴨街15號喜來登廣場地下C座
電話:(+853)2857 6081
營業時間:星期一至日10:00-22:00 初二開市

08 | 網民推介- 伙兄弟美式越南粉

根據網民推介,原來伙兄弟美式越南粉的湯底係好好,清甜又足料。不過真係好多人去食,如果大家新年去食,真係要早少少同預時間排隊了!

番茄蟹膏湯底。圖片來源:伙兄弟美式越南粉 Facebook
番茄蟹膏湯底。圖片來源:伙兄弟美式越南粉 Facebook

招牌火車頭。圖片來源:伙兄弟美式越南粉 Facebook
招牌火車頭。圖片來源:伙兄弟美式越南粉 Facebook

伙兄弟美式越南粉

地址:澳門大街(營地大街) 140-A號 紅窗門大廈地下C座
電話:(+853) 2892 1782
營業時間:星期一至日11:00-22:00 初四開市