早前報導 曼谷 篤篤車劫案 ,事主遭亡命飛車黨從後而上搶劫,背包被奪,損失了13,000泰銖及1,000港幣,護照及身份證全部被搶!事主(香港人Eric)在泰國即時報警,同日前往中國領事館補回證件。

過程中親身回應,教大家如何補辦出入境資料,即刻睇睇:

rob

重播事發影片時,意外發現在搶劫發生前一刻,司機的左手有特別的動作、繼而收油,搶匪才從後而上!有網友懷疑搶劫事件是司機與劫匪串通,事主立即在泰國報警。

篤篤車劫案


 Step 1) 報警 | 慢過樹獺…終於取得報案纸及口供紙

事主表示雖然報警感覺實際效果不大,搞咗半日:

以泰國警察超龜速嘅工作效率加埋仔細度, 祝佢快D破到案 ( 我真係見住佢用咗3分鐘時間, 從攞文件, 攞釘書機, 發現冇釘,開櫃筒、搵釘、入釘、放低釘書機、放低文件、整理個釘盒 …….最後攞番個釘書機完成釘文件)

但只有報警後,才可以完成報案程序,取得報案紀錄及口供,以便到領事館時提供資料。香港入境處的指引:如你在外遊時遺失香港特區護照 ,應向當地警方報告 ,並索取一份警察報告副本。然後你可與中國駐當地使領館聯繫 ,並要求補領旅行證件 。

篤篤車劫案
圖片來源:imgs.ntdtv.com

Step 2) 中國領事館 | 下午唔開工!補領旅行證件要準備…

取得報案資料後,事主首日就往位於曼谷 AA Building 的中國領事館,可惜辦公時間是9am至2pm,無法即日補領,要第二天一早再去做手續,前往詳情:

去中國領事館, 曼谷MRT 拉馬9路站出, 左手邊有個商場 , 沿住大路走大概一支煙時間(大約2分鐘), 望見左手邊有幢好似廢棄左嘅大廈叫AA Building, 唔好正門入, 正門唔知裝修定真係廢棄咗, 要由側面左手邊側門入, 上二樓

到達中國領事館,先在近窗邊的位置拎籌。另外設有資訊台,事主表示只可以問到補領旅行證件要影印咩文件。需要的資料包括:報案纸、口供紙,如果事前有影低護照資料就最好。如果自己無留底,建議試下問酒店取回護照資料,因為在你入住時通常有影低。

圖片來源:happiebb.com
參考圖片,來源:happiebb.com

中國駐泰國大使館
地址:2nd Floor, AA Building, 55 Ratchadaphisek Soi 3, Bangkok 10400
電話:0066-2-2450888 傳真:0066-2-2457037

辦公時間:工作日 9:00-14:00
電子郵件[email protected]

Step 3) 補領旅行證件程序

連同準備好的資料,另外有兩張表格要填寫,填好表格交回職員後,就要致電香港入境處:

同入境處職員陳述完之後, 佢地會 send 份嘢(表格)過去曼谷中國領事館, 之後會比多張香港入境處的表格你填, 依張要好認真咁填, 因為係不能塗改的, 錯一個字, sorry喇, 重做

入境處會FAX一份表格去領事館,給事主填好表格後,領事館之後會連同資料電郵回覆入境處,等入境處回覆,最後就可以取得 中國領事館要求泰國政府協助出境 的信件,以及香港入境處發出的 臨時入境卡。處理手續收費700泰銖。

篤篤車劫案
入境處設有24小時求助服務。圖片來源:www.immd.gov.hk

香港入境處24小時求助熱線:(852) 1868

Step 4) 事主親身回應 | 香港入境處幫了大忙!

事主表示「中國領事館係同香港入境處溝通有問題的」:

中國領事館人員回覆電郵時「send 左去唔知乜乜乜@gmail.com, 正確是[email protected]」,亦沒有主動致電香港入境處溝通

事主自行致電時,香港入境處在求助完後 5 分鐘內,已經準備好文件FAX去中國駐泰國領事館。中國駐泰國領事館的休息時間是下午2時,雖然過左休息時間,領事館人員不主動協助,但最後在下午5時,事主成功取得補發旅遊證件。事主等候時發現:

啲職員係會喱埋(匿埋)的,大堂得一個實Q, 一係唔理你,一係扮唔識中文同英文…同埋唔會同入境處嘅人通電話,只係會叫你係度等

建議大家,自己證件自己跟緊啲,因為語言不通,領事館人員其實都係泰國人,普通話同係普普通通,親自打去香港入境處,可以更清楚說明自己情況,亦可以知道補發旅遊證件的流程,唔使怕得個等字。

篤篤車劫案
中國駐泰國大使館 使館證件大廳 工作時間由星期一至五 上午9時至下午2時。

 

旅遊證件準備副本

事主在補發旅遊證件時,都有提到「如果事前有影低護照資料就最好」。外遊時,建議準備一份護照的副本,正本和副本可以分開存放,即使意外遺失護照,副本依然可以有效證明身份。香港入境處網站亦有外遊提示:

出 發 前 :

  • 檢 查 旅 行 證 件 是 否 有 足 夠 的 有 效 期 及 辦 妥 所 需 簽 證 。
  • 購 買 適 當 的 旅 遊 保 險 。
  • 將 聯 絡 方 法 及 行 程 通 知 家 人 或 朋 友 。
  • 在 旅 行 證 件 上 寫 明 緊 急 聯 絡 人 的 資 料 。
  • 備 存 旅 行 證 件 副 本 。
  • 查 詢 目 的 地 的 外 遊 警 示 級 別 及 有 關 資 訊 。
  • 使 用 「 外 遊 提 示 登 記 服 務 」 。
  • 了 解 當 地 的 風 土 人 情 、 天 氣 、 治 安 情 況 、 法 律 法 規 及 流 行 病 疫 情 。

旅 遊 時 :

  • 與 家 人 或 朋 友 保 持 聯 繫 。
  • 隨 身 攜 帶 旅 行 證 件 / 身 份 證 明 文 件 , 以 便 在 有 需 要 時 確 認 身 份 。
  • 小 心 保 管 旅 行 證 件 及 財 物 。
  • 留 意 個 人 安 全 及 當 地 情 況 , 避 開 人 多 擠 迫 的 地 方 。
  • 如 遇 上 突 發 事 故 , 可 聯 絡 入 境 事 務 處 協 助 在 外 香 港 居 民 小 組 ( 24 小 時 求 助 熱 線 ︰ (852) 1868 ) 、 中 國 駐 當 地 的 使 領 館 或 香 港 特 區 政 府 駐 內 地 辦 事 處 尋 求 協 助 。

篤篤車劫案
影印時,請影印資料頁。圖片來源:america.pink

護照補領、外遊救助、中國駐泰國大使館資料來源:香港入境處網站、中國駐泰國大使館網站

下一頁:曼谷 篤篤車劫案 後續 | 唔係新鮮事 | 網友更多分享

延伸閱讀:

曼谷篤篤車劫案 | 司機疑似暗號串通?(附自保貼士)

曼谷市集偷錢包追逐大戰!

韓國騙案 | 弘大 金光黨想剝我光豬?