旅行去 夜市掃街 ,可能現場會太飽食唔落,但都忍唔住會再打包返酒店!去旅行唔使多講,吃喝玩樂一定走唔甩!

朝早一班朋友去景點影下相、瘋狂買嘢咁,然而最期待就係去夜市掃街!而去夜市最好就係一班好朋友,咁樣大家就可以開心share,食少少又可以試多啲唔同款式,所以識食一定係咁食!!

去到夜市入口,可能玩咗一日已經肚餓到極點,成班就好似喪屍一樣,見到咩都忍唔住去試~

「喂!!呢個好似OK喎!!」

「買啦買啦!!」

「喂!留番嚿畀我呀!」

一班朋友去到邊、食到邊,食食下又會瘋狂自拍,而最慘嘅係why always me?

「喂喂~~呢個靚呀!影張相先啦!!」

呢個時候,醒目嘅人已經瞬間走晒去後面……仲要有咁後得咁後!成班就望住你一個……

「靠你喇!!」

「識做啦哈哈!」

你望住佢哋已經擺晒甫士⋯⋯好似已經冇第二個選擇咁。

「點解……又係我?」

「你面細嘛!!」

「雪糕唔等得啦~~~~」

或者,每班朋友入面,都總有一個「攝影師」,我喺度向佢哋致敬~~

團結!

癲完一輪之後,其實都要畀自己消化下,之後又繼續掠食!!

「哇……我唔得喇……」

「吓!你真係唔試呀?好出名呀!」

「Umm……畀一嚿我!」

做咩啫佢……

但原來……我都一樣咁黐線……

「唔得喇…..我真係到喉嚨喇?」

而轉頭見到個朋友食緊個撈麵好香……

「喂~~你呢個咩嚟呀?」

「前面嗰檔呀~喂~又真係幾好食喎!」

雖然想食,但我又怕會好似隻牛咁會反芻….

但最後,我決定打包返酒店!!

IMG-20120614-WA0000

朋友見到我攞住個外賣行過嚟,都唱咗一句:

「只能說我輸了~~~~」

或者呢啲「潛能」,真係旅行先發揮到出嚟,哈哈!

PS: 你班朋友又係咪咁癲?:P


個人動態:) Ig: hottofuzai
更多文章 fb: 熱豆腐仔
https://www.facebook.com/hottofuzai

【#GOtrip台灣】號稱新北市第一大夜市的樹林興仁花園夜市,已於上月開幕,約450個攤檔,保證行到腳軟,快啲 plan定下次瘋狂行台灣夜市啦!

【#GOtrip韓國】去首爾漢江公園,除了可以睇夜景,仲要去夏季限定的夜市!30/7、6/8、20/8 舉行的「首爾餐車100」,一共有100 架美食車等住你去試!

下一頁:想坐得舒服就唔好坐 廉航 啦!

延伸閱讀:【一個人的旅行難題】‪#‎玩轉腦朋友‬@背包浪子