我明白嘅,有好多嘢都係天生技能,勉強唔嚟,就好似我老婆嘅攝影技術一樣。其實我自己嘅攝影技術都唔係十分高超,所以我要求好簡單。

只係要求張相唔會鬆郁矇,但係……


去旅行都係想要張相留念啫!只要張相有我個人嘅出現,當時我係睜開眼,唔會鬆郁矇,我就會好滿意,但係……我老婆明顯做唔到。

我絕對唔係空口講白話,大家睇下啲相就明白我講咩。

我絕對唔係用緊啲高科技單反相機,只係想用手機影張有趣少少嘅相,例如用隻手托住比薩斜塔,或用個嘴親吻某建築物咁。

我只係想用手機影張有趣少少嘅相,例如用隻手托住比薩斜塔,或用個嘴親吻某建築物咁。

老婆答我:「完美啊!」點知……

明明只係望住個螢幕,唔啱位就左右上下調整,冇錯係難度高啲,或者要花少少時間,但我每次問佢:「點啊?呢個角度啱唔啱?我有冇托住個塔?」

老婆答我:「完美啊!」點知影完出嚟嘅效果大家都有眼睇,我想錫座塔,結果錫咗落去個男途人度……

我想錫座塔,結果錫咗落去個男途人度……

另外要講嘅,就係老婆攝影嘅時間非常長,手機已經有自動對焦,但總係要花好長時間先影到一張相,每次我由擺姿勢等到佢真正影嗰刻,我個樣已經頹晒,有時仲會出現好似以下咁嘅情況,周圍都係遊客湧晒入鏡頭。

重點好似係我!?

影得幾衰都唔會刪,因為旅行回憶返晒嚟

最後想講,我最憎就係影嗰啲咩飄浮相啊!我已經盡晒力去跳,騰空時間亦唔短,點解……點解我老婆每次都只係影到我起跳同落地嗰一刻?

記得有一次,有一班外國遊客見豆姐自拍得咁有技巧,就搵佢幫手影合照。當時我個心已經離一離,豆姐話:「Sure~No problem~」我問佢掂唔掂,佢話掂啦,大合照好易影又容易對焦!結果……出到嚟係一個big big problem!外國遊客望到張相臉色一沉,最後我惟有出手協助。

不過……雖然有好多不滿嘅抗議,但我都唔會刪除呢啲相,因為無論隔幾耐再攞番出嚟睇番,我同佢都笑得好開心,當時去旅行嘅回憶出番晒嚟,呢個亦係影相嘅最大意義。