去旅行雖然只是短短幾日,但去旅行前就要做好多準備很多事前功夫,策劃好行程方可以留下深刻回憶。

有旅行伙伴會Plan行程是一大福氣

每個人都鍾意去旅行,但未必每個都喜歡plan行程,因為懶得plan。有時候會有人連上網訂機票、格價、睇有無優惠都懶。所以亦都有人建議:「不如你跟旅行團把啦」。但這時身邊一定出現一個願意為旅程打點一切的伙伴。

Plan行程的女朋友 Plan行程的重任有時會是另一伴,有時侯是同行的朋友,有時候可能是自己。
Plan行程的重任有時會是另一伴,有時侯是同行的朋友,有時候可能是自己。(圖片來源:GOtrip編輯部)

而很多人的另一半都背負著這個重任。

一切由校鬧鐘起身搶機票開始

平時另一半會留意住邊度有特價機票,校定鬧鐘起身搶機票。

如果有幸搶到,就會立即打電話畀我叫我請假!

Plan行程的女朋友 由校鬧鐘起身搶機票,到去唔同網站格價都一手包辦。
由校鬧鐘起身搶機票,到去唔同網站格價都一手包辦。(圖片來源:GOtrip編輯部)

「喂喂喂!5月去韓國首爾!我搶到平機票!」

「咁我同公司請假啦!」

Plan行程的女朋友 從電話中佢喜悅嘅聲音,我知道嗰一刻起,佢成個心靈已經飛咗去韓國…...
從電話中佢喜悅嘅聲音,我知道嗰一刻起,佢成個心靈已經飛咗去韓國……(圖片來源:GOtrip編輯部)

Plan行程可能係最辛苦,但最開心嘅工

因為佢一開始會plan定行程,不論係去過好多次嘅韓國,定係從未去過嘅國家,佢都會瘋狂搜集大堆資料,計劃一條用最少時間玩最多地方嘅旅遊路線。

其中我最佩服嘅,係上半年去嘅意大利加法國旅程。先由一開始羅馬,再去佛羅倫斯、比薩、威尼斯、最後一站巴黎再返香港……

Plan行程的女朋友 咁多個地方同景點,仲要安排火車同內陸機,如果要我處理,我一定會頭蓋爆炸腦漿四濺。
咁多個地方同景點,仲要安排火車同內陸機,如果要我處理,我一定會頭蓋爆炸腦漿四濺。(圖片來源:GOtrip編輯部)

嗰十幾日,好似跑完一場馬拉松一樣!「點解你可以搜集到咁多資料?唔辛苦咩?」我問。

「辛苦㗎!但我諗起兩個人可以去啲景點行街、影相、食嘢,我就好有動力去計劃行程㗎喇!」

Plan行程的女朋友 連地圖都唔識睇嘅女朋友,一講到去旅行計劃行程,思路就會變得異常清晰。
連地圖都唔識睇嘅女朋友,一講到去旅行計劃行程,思路就會變得異常清晰。(圖片來源:GOtrip編輯部)

早一個月已經執定行李

當行程搞掂晒,第一時間就係催促我執行李……

「我驚你漏帶嘢啊!我依家幫你執!」明明仲有成個月時間,硬係要預早幫我執定行李。

Plan行程的女朋友 結果,有時會搞到我唔夠孖煙囪同襪著,又要由行李箱攞番出嚟,著完洗乾淨之後再擺番入行李。
結果,有時會搞到我唔夠孖煙囪同襪著,又要由行李箱攞番出嚟,著完洗乾淨之後再擺番入行李。(圖片來源:GOtrip編輯部)

女朋友嘅唯一弱點

要講唯一一個女朋友嘅弱點,就係佢唔識計凌晨機嘅日期。例如1月1日嘅凌晨機兩點,到底係1月1日夜晚先去機場,定係12月31日要去機場呢?

唔知點解,次次佢都錯……

Plan行程的女朋友 女朋友永遠唔識計凌晨機嘅日期……
女朋友永遠唔識計凌晨機嘅日期……(圖片來源:mafengwo)

不過鍾意plan行程唔代表plan得好

不過,我真係好慶幸女朋友會負責plan行程,佢唔係「擅長」,亦唔係「鍾意」plan……佢鍾意嘅只係同我去旅行時嘅開心。

Plan行程的女朋友 講到底,佢只係鍾意同我去旅行嘅開心時刻。
講到底,佢只係鍾意同我去旅行嘅開心時刻。(圖片來源:Twitter@ayanbubi)

圖片來源:GOtrip編輯部、mafengwo、Twitter@ayanbubi