有人話去過一次旅行,就會更加了解對方、認識更深,所以更加容易有磨擦
初初我都唔信..咪一齊去玩咋嘛,有咩問題啫?

第一次同女朋友去韓國玩,真係好興奮又緊張呀
但原來好快就會見真章⋯⋯佢竟然叫我扮宋仲基⋯⋯
.

所以亦都有人話感情未夠深厚嘅,第一次會去好易出事

我唔信!我唔信呀!(方力申mode)
我咁愛佢
.

同女朋友單獨去旅行,講到「出事」通常都係班豬朋狗友叫我小心啲唔好做爸爸,就算出到國都要做足安全措施

Hi你!講呢啲
我職安真漢子嚟架!

不過同女朋友去旅行玩梗係開心架啦,邊有人會諗咩出唔出事
傻豬嚟嘅,諗咁多

但估唔到我踏入飛機艙門嗰一刻,我最期待嘅畫面就出現了:
「係喎,你有無租到wifi蛋?」
聽到呢個嘅陌生又熟悉嘅字詞,我好似出咗事

「吓..唔係話你搞咩..」
.

有請黑面神!
歡迎光臨,好耐無見,請問有咩幫到你
.

「喂大佬呀!我已經好忙架啦,又Plan行程又盛,叫你做少少嘢都唔記得!」
.
無言的…親..親..親.
先生!有少少難聽…
.

「Sorry..呃… 機埸有得買SIM卡架嘛,依加好方便架啦」
好彩我人有三急,急智生才
總算又再次拯救咗地球
.

搭完一輪飛機真係人都散…
前面個BB仲要鬼殺咁嘈喊足3.6小時
.

今次真係喊出嚟!
.
.

輾轉反側,終於去到酒店。
check in完就梗係上房攤一攤先
女朋友突然攞張A4紙出嚟比我睇

「BB我哋等陣食完野就去shopping囉」
.

做咩姐你?
「會唔會密咗啲⋯⋯你一個人買咁多野?」
係咪有時差呀?係咪天氣太凍呀?點解我口都震埋嘅
.
「呢啲我嘅,呢個我朋友嘅,呢個比媽咪嘅,呢個….」
呀呀呀!!!!好多人呀!!!好迫呀!!!.

算!嚟到韓國都預咗佢會大手入貨
「但係你個gap..呃唔係..你個喼咁細,夠位咩?」
呢個時候佢已經展現咗天真好邪嘅笑容,仲要望住我個行李仔
「嗱嗱嗱!!咪呀你..我都有野買架..」
「得啦~ 我放少少咋嘛」
.

少少…
無啦無啦..今次一定超額完成啦

.
.

休息夠,我哋就離開酒店出去行下
係浪漫嘅首爾街頭,真係忍唔住大叫一聲안녕하세요 an-nyeong-ha-se-yo
而我望住佢既眼神,就知道佢韓劇又上晒腦…
.

雖然無可否認,劇入面啲仔仔囡囡又的確幾正幾吸引既,但始於現實還現實,理想還理想,又點可以…
「不如你扮宋仲基」
………………
我都未講完佢就亂入…
.
.

「下?要我扮哥基?」
「宋仲基呀!《太陽的後裔》呀!」
「哦…. Son of the Sun」

我咁好笑嘅笑話,女朋友無理到…
轉頭就攞咗部手機出嚟..

「你等陣就個邊行過嚟..我要拍片影住你」

雖然我單眼皮,身高接近180,體重71kg,星座係天蠍座,末代AL考生..

其實全部都唔關事,但估唔到我都有今日
.

「得啦!拍完,去食飯!」
「未得呀,未得呀!玩多一個shot啦..呃…你扮佢挑走我部電話呀…不過用你個部..」
.
我..挑你…

God
Damn
It
.

係咪衰呢,係咪衰呢
都話唔好成日拍埋晒咁嘅劇本…教壞晒..做壞規矩
你話嗱⋯依加點算?
.

「你有冇睇架..咪有真人示範咗唔得囉⋯⋯我只係凡人嚟㗎咋⋯⋯」
「Umm⋯都啱⋯電話好貴⋯⋯咁啦⋯我哋轉第個情景⋯⋯」
呢一刻我真係笑而不語,究竟一個超級韓迷可以去到幾盡呢?

.

開始!
我對住個鏡頭,好大聲叫一句「sa rang hae yo!!」
CUT~~!!!!
……………..
.

「男仔要講sa rang hae사랑해,女仔先係hae yo」
其實我唔知有咩分別..講真呢刻我寧願佢叫我扮哥基
汪汪汪!!!
講乜都係汪汪汪!!
.

「OK!開始」
我帶點憤怒望住個鏡頭大叫:「sa rang hae(X你老X)」
.
就係咁..第一日嚟到韓國就變咗宋仲基…
唔得..真係要醫下個肚先,我驚好快升仙..真係做咗太陽之子..
.

P.S 大家身邊有無「韓劇導演」?一齊切磋下