久唔久會喺WhatsApp或facebook收到啲警察捉人亂過馬路、搭小巴唔扣上安全帶,罰人錢嘅短訊。而喺大陸嘅交通警諗到啲另類嘅懲罰,去罰冇遵守交通規則嘅人,啲懲罰有創意到連日本媒體都報道!

撰文:Tana|圖片來源:網上截圖、官方圖片

大陸交通警推新招

其實喺大陸好多唔同嘅地方都有呢啲教育點,去懲罰、教育亂過馬路及揸電單車逆向行駛嘅初犯者。

被警察捉到要坐定定喺度,睇完片先走得。(圖片來源:《廣州日報》)

真係有一班人咁樣被警察罰。

被人罰都有得揀?

喺廣州,如果趕時間睇唔切片,有新嘅選擇懲罰,就係將自己違規嘅事情同埋呼籲大眾遵守交通規則嘅內容,post喺微信或者微博,儲齊有20個likes就可以離開。如果兩種都冇時間做,就要forward去10個群組入面,就可以即刻離開。成效好到連四川都有效法!

四川達州交通警都用同樣方法,宣傳遵守交通規則的重要性。

內容:本人騎電單車逆向行駛被警察教育,在此發朋友圈自己曝光自己,集齊20個讚即可和警察說再見,請朋友們動動小手為我點個讚,也請大家汲取經驗教訓,千萬別闖紅燈、別逆行,騎電單車也要守規矩。

透過分享到朋友圈,除咗警惕犯規嘅人,仲可以宣傳交通安全意識。

有創意到,連日本媒體都報道。