空姐戴個頭盔吹吹水已經可以爭取到十足話題,大台的旅遊節目要搶收視真係要諗諗計,取材離地的《有種_味叫米蘭》無聲無息無話題;反而「贏在射精前」的兒童教學真人騷勉強炒起家長關注;緊接一連三個星期,就搵藝員拍旅遊「真人騷」,一直調去拍劇的黃翠如都會再次出差,飛走張保仔去北歐打工!

事隔 6 年再度「單飛」《浮華大地》班底出動


在ViuTV話題節目進擊下,大台晚上10:30時段將會一連三個星期,推出旅遊節目《反斗紅星冇暑假》,需知道過去幾年,呢個暑期節目都只不過係搵班男女藝人去番禺除衫、賣奶、尖叫、玩下水上樂園就算數,今次出外拍攝取景,都算做少返少少製作心思咁解:

今次出動黃翠如,幕後拍攝是《走過浮華大地》的團隊,距離上次同Tony合作的《走過足球聖地》,原來黃翠如已經有兩年無拍旅遊節目了!如果要計「單飛」上陣做主持,對上一次已經係2010年NowTV的旅遊節目《Lifetival》!

dodo_shopping
雖然之前《Do姐去Shopping》英國篇都有黃翠如,不過都只係客串性質,而且風頭都畀農夫(feat爛Gag)搶走不少。

北歐篇:《打工唔捱世界》(黃翠如)

播放日期: 7 月 11 日

黃翠如 5 月底揼底拍劇工作,「單飛」前往北歐瑞典及芬蘭,一連 5 集,體驗令人羨慕又妒忌的北歐工作模式。

親身體驗的工種,包括:聖誕老人助手、馴鹿場幫工、樹屋酒店管房、網絡遊戲實習生、臭魚工廠女工、肉丸餐廳侍應及兒童圖書館員,務求將「打工原來可以很開心」的訊息宣揚出去。

deer05

每集詳情率先睇:

 

任務 #01 實習精靈似cosplay 去聖誕村見工

任務 #02 馴鹿放牧 育嬰靠閃避

任務 #03 科幻樹屋擔擔抬抬 賺取食宿

任務 #04 絕頂臭魚 國寶級腥氣

任務 #05 突襲 Candy Crush 福利辦公室

 

印度篇:《打工捱世界》(袁偉豪、楊明)

袁偉豪及楊明被派往印度體驗當地工作,包括:送飯仔、洗衣工人、三輪車司機、沙漠打雜及幼稚園老師。二人透過工作了解當地社會面貌,體驗一個沒有假期,但極有收穫的打工


tvb_india01

tvb_india02

tvb_india03

台灣篇:《嘩鬼上學去》(許廷鏗、吳若希及胡鴻鈞)

3位經已一把年紀、脫離學生身份N年的歌手(吳若希、胡鴻鈞、許廷鏗),走去台灣「重返校園」。穿上校服重演《那些年》同埋《我的少女時代》經典場面。02

07
任務包括國文課唸新詩、國防課模擬射擊訓練、體育課閃避球、台語課示範唱台語版《越難越愛》⋯⋯

5

13拍攝景點包括西門町、新店橋河濱公園踩單車、外木山堤壩上、基隆夜市、基隆豐稔釣蝦場等等⋯⋯

下一頁:ViuTV 空姐 戴頭盔 再分享 9 個機上傳聞

相關文章

7 位疑似嘉賓組合曝光 | 《 跟住矛盾去旅行2 》 預告

跟住Viu TV去旅行 | 話題十足 5 大旅遊節目