香港人去日本大部分都會選擇關東關西,貪其交通方便,食買玩都可以一次過搞掂。不過追求新鮮感的香港人又點會咁易滿足。12月14號開始TVB就有一個由金剛同張秀文主持嘅日本旅遊節目《進擊昇龍道》出街,不過問下隔籬位,相信都冇乜邊個知道邊度係「昇龍道」。

12月9日,佢哋仲開咗個記者會,同大家介紹咩係「昇龍道」同埋呢5集有咩睇,冇份出席嘅普通市民想早一步「昇龍道」有咩玩可以點?一早為大家準備好,只要你睇完呢篇Q&A,即刻可以變成「昇龍道」達人!

一、什麼是「昇龍道」?

「昇龍道」位於日本中部,由南到北橫跨中部地方9個縣(石川縣、富山縣、福井縣、長野縣、岐阜縣、滋賀縣、愛知縣、靜岡縣和三重縣),如果將呢幾個地方的熱門旅遊景點連起來,就會走出一條龍形的路線,加上能登半島看起來就像龍頭,所以就有「昇龍道」之稱了。

二、點玩「昇龍道」最好?

日本的交通費出名貴,要玩「昇龍道」更要穿州過縣,金剛同張秀文就話有車接送啫,我哋自己去玩嘅話,啲交通費真係諗起都覺得甘啊!不過日本旅遊局又點會虧待旅客呢?為了讓旅客可以更自在的暢遊「昇龍道」,日本的名鐵公司就推出了「昇龍道高速巴士乘車券」(昇龍道高速バスきっぷ/Shoryudo Highway Bus Ticket),提供3日及5日車票,售價分別為7000及14000日元。

昇龍道高速巴士乘車券3日券

有效期:連續3日
售價:7000日元 (大小同價)

昇龍道高速巴士乘車券5日券廣域版

有效期:連續5日
售價:14000日元 (大小同價)

 

注意事項:

購買資格:手持海外護照旅客
購買地點:只可以在日本國外的旅行社或以下網頁購買
https://www.mtabi.jp/shoryudo/ 或 http://www.japanican.com/hk/tour/detail/PAS3C00304CCC/
購買後要到指定地點換領乘車劵

高速巴士車票預約方法:持有昇龍道高速巴士乘車券預約高速巴士的指定席時,不接受用互聯網或電話預約,只能在售票處窗口進行預約
更多詳情:http://www.mwt.co.jp/shoryudo/route.html

下一頁:「昇龍道」8大必去景點!

三、「昇龍道」8大必去景點

喺節目入面,金剛同張秀文只係去咗岐阜縣、福井縣、石川縣同富山縣,不過「昇龍道」橫跨9個縣咁多,又點止得咁少嘢玩啊!即刻睇下我哋編輯部嘅精選啦!

「昇龍道」橫跨中部地方9個縣,可以玩嘅地方真係多不勝數,不過大家時間有限,當然要揀重點!建議到中部國際機場後先到位於 2 樓的「昇龍道觀光情報館」做下功課先,分分鐘仲有優惠券可以攞!

「昇龍道」有咩景點值得去?

1.白川鄉

位於岐阜縣西北部白山山麓,1995 年被指定爲聯合國教科文組織的世界文化遺産。一年四季都有靚景,每年1月到2月嘅點燈更加係不可錯嘅活動!

去前必睇:來往白川鄉交通+貼心5大提示

 

2. 金澤 21 世紀美術館

阿根廷藝術家Leandro Erlich 嘅《Swimming Pool》,可以話係必到之處!大家去到得準備好相機影低「游乾水」嘅照片啦!

網址:https://www.kanazawa21.jp/

3.兼六園

兼六園為日本三大名園之一,去得中部玩又點可以錯過!

網址:http://www.pref.ishikawa.jp/siro-niwa/kenrokuen/t/

4.松本城

網址:http://www.matsumoto-castle.jp/splash

5.立山黑部

每年開山後會吸引成千上萬的旅客,大家仲可以親身觸摸雪壁!

網址:https://www.alpen-route.com/tw/

6. 下呂溫泉

張秀文喺節目入面就帶大家去咗福井縣浸溫泉,唔係話呢個溫泉唔夠好,只係可以有更好嘅選擇!要去,就去三大溫泉之一嘅下呂溫泉!

日本出名溫泉多又正,位於岐阜縣中東部與長野縣交界處,日本三大名泉之一嘅下呂溫泉最啱嚟打卡!玩足一日浸返個溫泉就正啦!

網址:http://www.gero-spa.or.jp/hantai/

7. 飛驒高山古街

飛驒高山的中心部,將舊日本街道保留至今的珍貴地區。

網址:http://www.hida.jp/chinese/

8.愛知縣常滑市

紅遍世界各地嘅招財貓就係喺到出世,而且巿內嘅陶瓷工藝亦係全日本出晒名!嚟到點捨得唔影相呃like呢?

網址:http://www.tokoname-kankou.net/taiwan/

下一頁:「昇龍道」必食N大美食!

四、「昇龍道」有咩必食?

1.越前蟹

嚟得中部又點少得要試下福井嘅越前蟹呢?金剛同長張秀文都話要試!不過點解秀文嗰隻咁細隻嘅?

 

曾經係殿堂級日本天皇貢品嘅越前蟹,只要嚟福井縣就可以任你拆肉起膏,一嘗佢嘅鮮味!

2.飛驒牛

去高山必食飛驒牛!你睇金剛食到咁就知有幾好食啦!

入口即溶,肉味又夠濃,保證令你一試難忘啊!

3.金箔蛋糕

金澤出名生產金箔,金剛喺節目度都忍唔住要落手整!

不過大家又知唔知,金箔唔止可以睇,仲可以食!嚟到點都要試下呢款咁矜貴嘅金箔蛋糕啦!

 

「昇龍道」好玩好食好靚嘅又點止以上呢啲!想知道更多有關「昇龍道」嘅玩樂秘笈,就要睇實我哋GOtrip啦!

 

延伸閱讀:

日本 昇龍道 10個「得」 (上)

來往白川鄉交通+貼心5大提示

【名古屋】侏羅紀突襲!恐龍出巡賀聖誕!

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡