鳴謝：Expedia智遊天下網, 日本 昇龍道 旅遊局
日本 昇龍道 10個「得」 (上)
http://bit.ly/1nLrx5r
日本 昇龍道 10個「得」 (下)
http://bit.ly/1od7kAy
日本 昇龍道 ，其實就係日本中部地區，以石川縣能登半島為龍頭、三重縣為龍尾，中間穿越名古屋、高山、白川鄉、金澤等名城小鎮。購物機會就無乜，不過更能體現日本自然風貌、歷史文化。今次會帶大家玩盡食盡昇龍道10個最得的地方！
昇龍道 之旅路線：
名古屋 → 白川鄉 → 高山 → 金澤 → 名古屋
參考：http://go-centraljapan.jp/en/special/shoryudo/index_tw.html
1.招財貓家鄉 常滑巿
中部國際機場出發第一站，唔係名古屋，係招財貓故鄉「常滑巿」。紅遍世界各地嘅招財貓就係喺到出世，而且巿內嘅陶瓷工藝亦係全日本出晒名！想體驗陶瓷工藝或者同3點8米高嘅「巨大招財貓」影相，就記得停常滑巿嘅陶瓷器散步道。
注意：大部份店舖會於17:00關門
傳統瓷器外，仲有唔少得意瓷器製品。
2.世界遺產 白川鄉
整個旅程核心部分，就係中部嘅世外桃園白川鄕 (1995年被訂為世界文化遺產)，好難想像到世上仲有如此平和的地方。走入山村，彷彿回到日本古代，傳統嘅「合掌屋」配上綠油油稻田，有誰不享受片刻的寧靜？春夏秋冬的白川鄕，會有十分唔同的景象！這裡的屋之所以叫「合掌屋」係因為合掌＝祈禱時手勢。
白川鄉入面給予人一種平靜的感覺
想知合掌屋入面係點？可以入最古老合掌屋之一──和田家參觀。
岐阜縣大野郡白川村荻町
開放時間：0900 – 1700
費用：成人300円 ；小童150円
網址：http://www.shirakawa-go.org/english/index.html
3.名古屋城
名古屋必到景點，非名古屋城莫屬！古城係江戶時代名將德川家康下令建造的平地城堡，為當時東海道要地，可惜多數的建築物在二次世界大戰中被燒毀 ，而家睇到嘅部份係1959年重建而成。 城堡入面有具代表性的金鯱及不少互動部分，令大家簡單認識名古屋城的歷史。
部分城堡經已完成修復，金碧輝煌重現眼前。
另外城內會有小團體作不定期表現，小編就剛好碰上織田信長喇！唔係唔影嘛？
4.名物 手羽先
韓國有炸雞啤酒，名古屋就有名物「手羽先」(即炸雞翼)！「世界之山」香港都有，今次介紹另一家名店「鳥開」你食。呢間食店冇「世界之山」咁多口味，但最基本的鹽燒雞翼佢哋做得好好，每一隻雞翼都經過備長炭嘅歷練。平時同朋友食雞翼、飲啤酒，就係中部人收工嘅娛樂。
如果你死都要買嘢，你可以去名古屋嘅大須商店街。八條唔同特色嘅商店街，必定能滿足你的購物慾，本地手作、外國商品通通可以喺到搵到。除購物外，每逢周末的大須，會化身為次文化聖地，你有機會見到不少Cosplay團體出現，「世界COSPLAY(角色扮演)高峰會」亦會於7月尾舉行。
網址：http://inbound.nagoya-osu.com/hn/
當中最特別為Alice in Wednesday店鋪，入面產品、食物都以愛麗絲夢遊仙境為主題。
–點玩先最抵？–
最平玩盡「 昇龍道 」嘅方法，係買 昇龍道高速巴士Pass 。Pass分3日及5日， 售價分別是7,000円及14,000円 ，你可憑 Pass任意乘搭 昇龍道 內多條高速巴士線 ，另包兩張機場往來券(中部空港/小松空港)，比一般搭高速巴士平了一半價錢！
注意事項：
購買資格：手持海外護照旅客
購買地點：只可以在日本國外的旅行社或以下網頁購買
https://www.mtabi.jp/shoryudo/ 或 http://www.japanican.com/hk/tour/detail/PAS3C00304CCC/
購買後要到指定地點換領乘車劵
誠信名古屋酒店
Hotel Trusty Nagoya
地址：名古屋市中區錦2丁目11番32号
交通：由名古屋站坐車約5分鐘
房間價格：一半雙人床客房 HK399 起
網址：http://bit.ly/1zu6bx9