每逢年尾都會有好多回顧,好似Google 就公佈左用手機熱門搜尋本地好去處嘅頭10位。我地香港地地方雖小,但又有好多適合一家大細、老友同情侶去嘅好地方。趁而家做定功課,新一年再去過!

No.10 三門仔

位於大埔三門仔出名食海鮮同睇日落,年中都吸引唔少攝影發燒友去影相,鍾意食海鮮嘅朋友對呢個地方一定唔會陌生啦!不過今年爆出嘅原因應該同有「藍眼淚」之稱嘅夜光藻喺呢度出現有關,大家有冇親眼睇過呢?

相關文章:屬於香港人的藍眼淚 (續篇)@流浪攝

No.9 西貢戶外康樂中心

西貢戶外康樂中心位於享有”香港後花園”美譽的西貢,風景秀麗,營友可享受郊野的寧靜閑適,是理想的度假勝地,更為營友提供一繫列的康體設施:遊泳池,籃球場,滾軸溜冰場,燒烤場及兒童遊樂場等,大人細路都啱玩!

No.8 香港迪士尼樂園

雖然比起其他地區嘅迪士尼樂園,香港呢個真係細咗啲,不過仍然吸引唔少人每年去玩,加上迪士尼不時有新園區同活動,自然引到大家不停去search啦!

相關文章:【迪士尼有新野!】 香港迪士尼10週年活動5大亮點

Facebook 2015二十大打卡熱點 迪士尼登首位

入迪士尼前要準備的 4 件事

 

No.7 九龍公園游泳池

相信大部分香港人都掂過九龍公園游泳池啲水,連my little airport都唱過,呢個地方絕對係大家嘅童年回憶啊!

 

No.6 南生圍

擁有優美景色嘅南生圍每逢假日都吸引唔少人去親親大自然,有唔少歌手都鍾意喺度拍MV,更係情侶影結婚相嘅熱門地點,早前有缺德人士喺南生圍放火引起公憤,香港自然環境已經唔多,大家要珍惜啊!

相關文章:【南生圍】周末充電之選 避暑世外桃園

下一頁:睇埋頭5位,第一名竟然係…?!

5)  AMC 又一城

開幕17年、位於九龍塘又一城的AMC戲院滿載唔少學生情侶老友嘅回憶,戲院將於明年1月結業,要去懷愐一番嘅朋友要趁早啦!

 

4)  誠品書店

文青必去嘅誠品書店,唔止香港人鍾意去,好多台灣人嚟香港都會嚟望下,呢度不時會有作者講座,嚟緊喺太古城又會開多間分店,各位文青又多個地方打卡啦!

 

3)  MegaBox

東九龍最大型商場MegaBox集食買玩於一身,間中仲會有活動同節日裝飾,雖然交通有啲唔方便,但都有佢吸引人之處嘅。

 

2)  山頂纜車

香港最出名嘅景點非山頂夜景莫屬!要睇到最靚嘅夜景,坐山頂纜車去山頂睇可以話係不二之選啊!

相關文章:香港看雲海 – 山頂篇 4K UHD Time Lapse@流浪攝

 

1)  海港城

每年過時過節海港城都會有唔同嘅佈置,絕對係香港人其中一個影相呃like好去處!