2月限定CHORO-Q車仔！日本麥當勞Happy Meal換領體驗

繼1月中的「超級孖寶兄弟」玩具後，日本麥當勞在2月16日開始送出最新的兒童餐附贈玩具，聯合Q版汽車「CHORO-Q」推出「麥記彈弓車」主題系列，全套一共8種款式！編輯K在遊日期間就試過換領，有以下心得分享：

01./500円換一隻

「開心樂園餐」的售價為500円（円價升咗，一餐約HK$34 :( ），24小時都有得換，外賣或店內用餐價錢一樣，不過紅色笑臉的紙袋就不是間間店都有提供，編輯K分別在六本木的McCafe以及新宿24小時店吃了三次Happy Meal，換了三架車仔：

今次發行的「開心樂園餐CHORO-Q」，將以麥當勞的經典食材、角色造型為車身概念，Q版造型爆趣滿分，一共有8種款式分別為：

– 麥當勞叔叔大頭鞋Q、汽水杯Q、炸薯條Q

– 麥當勞流動店Q、迷你鬆餅Q、甜粟米Q

– 開心樂園餐Q、芝士漢堡Q

跟香港換購方法唔同，日本的開心樂園玩具採用「扭蛋模式」，一次過推出，但就密封包裝，無得揀款式，不過由於車仔造型奇特，基本上拎到上手已可以「甩」出車款，夠厚臉皮的，不妨試試向店員要求換另一包（不過亦唔保證可以換齊全套）。

拆開包裝後，發現回力車仔都係光脫脫的，原來每架附有一張貼紙，車轆、車身、防撞欄以至車頭燈都等你自己動手貼：

順帶一提，埋到櫃位才發現，今次除了「Choro-Q」，同期仲有少女動漫「星光樂園」的玩具，記得唔好換錯！英語程度有限的店員，只要講「for boys」佢都會畀到Choro-Q你！