新一代宅男女神江嘉敏(Kaman),打底神奇女俠Gal Gadot同話題港姐雷莊?,成為2017年Google人氣搜尋女藝人,近年忙於拍劇的Kaman,其實跟《新假期》出過不少Trip,除了去文青feel嘅日本和台灣,仲去過馬爾代夫,大晒噴血身材啊!

text:孖田|photo:新傳媒資料室

江嘉敏 人氣搜尋第1位

唔係吹水,《新假期》真係可以話係女神的「育成地」,無論係大台姐仔、有名氣的Model,未紅前都同我地出過Trip!今年憑大台劇集《親親我好媽》火速入屋的江嘉敏,憑劇中角色嚴茜瑜獲提名頒獎禮女配角,入行年資不算長(話晒23歲女咋)。

入大台前,Kaman其實拍過獨立電影同港台劇,唔算靚到爆,但順眼、清純女學生形象令人形象深刻;剛公布的Google香港2017年熱爆搜尋女娛樂名人中,江嘉敏跑出榮登第一名!證明清純玉女形象係男女通殺!

Kaman 唔係大殺傷力發電機形,但無添加鄰家女孩Look真係勁Girlfriendable。回帶睇睇,佢同《新假期》去過日本、台灣同馬爾代夫,獨男們,盡情FF下同女朋友仔去旅行啦喂!

01|文青女神Look@宜蘭

話說Kaman 2014年剛拍過麥曦茵執導的《曖昧不明關係研究學會》及港台劇,開始為大家所認識。閒時也有接Model工作,呢次就第一次同《新假期》來到台灣宜蘭住民宿,盡顯文青動靜皆宜的一面。

Chur爆行程 影相即入戲

睇返輯相,咪以為Kaman日日住靚民宿就好爽皮,其實旅遊記者生涯出名地獄(嗚嗚⋯⋯),Kaman朝朝晨六咁早起身自動波化妝, 由食早餐開始影,Chur 盡一日又轉民宿,都未計有兩日攝時間太平山國家公園去行山影紅葉。不過新入行的她都咁專業,抵佢紅!

呢次台灣之行,集中在宜蘭好山好水的地方。Kaman 住了3間民宿,中間踩單車(但文章無乜著墨),又去太平山國家公園睇紅葉、整溫泉蛋,大多數時間就留在民宿影靚相、做訪問。

出trip唔係交差 全情投入旅程

好多Model出trip在鏡頭前入戲,表現出好味道或者好當地人有互動,但一熄機就唔交戲,繼續玩電話對世事不聞不問,但Kaman係少有會enjoy旅行嘅model,所以鏡頭前後都好易捕捉到佢同當地人傾偈的小動作,

02|甜到漏靚女Look@京阪神

唔係誇張,睇返呢次的報導,因為介紹關西甜品,Kaman幾乎每張相都係食食食食食⋯⋯唔停口。鏡頭之下,當時的記者憶述,Kaman都真係好鍾意食甜品,每款都好有興趣試,絕唔會扮細食懶矜持。但Kaman都好有禮貌、好識做,問過大家影完晒先至開動。(真係有Model為食到相都未影完就食,阻住大家做嘢㗎!)

慳妹出Trip唔亂買嘢

Kaman在早年的訪問有提過,自己好鍾意演戲,為咗Casting 同多啲演出經驗,平時啲Job無錢都會接。所以記者憶述當時去到日本,Kaman 都唔會瘋狂Shopping,可以話係慳家敏一名。但就好愛錫妹妹,唔買嘢俾自己都要買手信俾妹妹!嗚嗚⋯⋯太令人感動!

03|賢妻家政Look@東京

再來日本,今次Kaman來拍攝東京爆買家電家品特輯,大部份時間都在室內拍攝,有晒暖氣,所以165cm的她都著晒短褲仔大騷長腿。據知Kaman雖然出身小康之家,不過喺屋企都識煮吓飯,對於拍攝時的飯煲呀、焗爐都她有興趣㗎。

罕見入廚賢妻造型

Kaman劇中多數都演清純學生,今次同《新假期》去東京買家電,要佢扮賢妻都無難到佢,據記者講有唔少食物都係Kaman幫手處理㗎!

04|激罕女神三點式@馬爾代夫

雖然女神IG都有派過吓軍糧,有著Sports Bra騷過吓事業線,不過三點式喎!今次去到人生必去的Dream place之一馬爾代夫,女神都不介意來點健康性感!當時入住成萬蚊晚的Amilla Fushi名貴Resort,一入到二千多呎的私人別墅,Kaman忍不住在房內跑圈兼飛奔上床做金絲雀!

咪住!

仲有⋯⋯

仲有更利害的噴血靚相⋯⋯

仲有健康性感的⋯⋯

甜美笑容

最後⋯⋯

最後為咗介紹成千呎套房的日光浴⋯⋯

當然要搵Kaman一試

當年Kaman⋯⋯

仲好活潑咁幫《新假期》拍咗條片⋯⋯

影片在最底

https://www.youtube.com/watch?v=PVYourXGBbY