8度海逸酒店再推$98下午茶優惠!由即日起至4月30日,8度海逸酒店將會推出精選下午茶套餐,只需要人均$98,就可以歎到三層架下午茶。之前優惠一出已經book到爆滿,今次8度海逸酒店再有下午茶優惠,想食就要爽手book喇!

撰文:CY|圖片來源:

8度海逸下午茶優惠 雙人high tea只需人均$98 食足10件鹹甜點

8度海逸酒店上年的王牌芒果下午茶限時優惠,推出不久已經預約爆滿。來到2021年,8度海逸酒店繼續推出精選下午茶優惠,只需要人均$98,就可以食到雙人high tea,歎足10件鹹甜點。

平到百元有找,入面用料卻唔會馬虎!鹹點有即焗迷你葡撻加燕窩、法式忌廉芝士焗薯、三文魚他他伴蟹子;甜點方面,則有鮮草莓忌廉泡芙以及日式香芒芝士蛋糕。另外仲有亦Häagen-Dazs限定朱古力果仁雪糕伴即製窩夫,奉送一杯草莓朱古力沙冰。(圖片來源:8度海逸酒店)
平到百元有找,入面用料卻唔會馬虎!鹹點有即焗迷你葡撻加燕窩、法式忌廉芝士焗薯、三文魚他他伴蟹子;甜點方面,則有鮮草莓忌廉泡芙以及日式香芒芝士蛋糕。另外,仲有Häagen-Dazs限定朱古力果仁雪糕伴即製窩夫,奉送一杯草莓朱古力沙冰。(圖片來源:8度海逸酒店)

雖然話是限時優惠,不過優惠日期由即日起至4月30日,足足有3個月時間。但上年8度海逸酒店的王牌芒果下午茶一推出優惠,就好快爆滿預約,所以有興趣的話,最好約埋朋友快手預約!

點擊進入預訂網站

8度海逸下午茶優惠

  • 價錢:每位$98(原價每位$168)
  • 時間:每日下午3時至5時
  • 日期:即日起至4月30日
  • 地址:香港九龍土瓜灣九龍城道19號酒店大堂8度餐廳或2樓池畔廊及花園茶座
  • 訂座:http://p.nmg.com.hk/cpxz35
  • 查詢:2126 1960

(點擊查看介紹)