【港威酒店家庭Staycation】臨近農曆新年及情人節,唔單止情侶們想去Staycation,其實一家大細都可以去酒店住番晚,享受一下歡樂時光。港威酒店推出「家庭樂滿FUN」住宿計劃,入住相連客房,包高達4人自助早餐,可以提早入住及延遲退房,而且每房再送$1,000餐飲消費額,人均只需$733起,望到價錢都有少少心動!

撰文:CY|圖片來源:港威酒店

港威酒店家庭Staycation人均$733起 保證30小時入住 + $1,000餐飲消費額|GOtrip快閃12點

港威酒店家庭Staycation
港威酒店家庭Staycation。(圖片來源:港威酒店)

港威酒店由即日起至2021年3月31日,只需$2,888起就可以入住「家庭樂滿FUN」住宿計劃,於相連客房入面共享家庭樂。房間最多可容納2位大人及2位3至11歲小朋友,4個人除開只需要人均$733。另外,每房送$1,000餐飲消費額,適用於酒店內餐廳,可以提早於早上10時入住及延遲至下午4時退房,保證入住30小時,就算帶住小朋友都唔使怕早起身會好辛苦。

優惠package其實同樣適用於農曆新年及情人節,只不過住足30小時的禮遇則不適用於2月12日至14日,預訂前記得留意清楚喇!

港威酒店家庭Staycation
港威酒店家庭Staycation。(圖片來源:港威酒店)

「家庭樂滿FUN」住宿計劃詳情

  • 入住普通樓層客房一晚
  • 每日免費自助早餐(每房最多可2位大人及2位3至11歲小朋友享用)
  • 每房每晚餐飲消費額價值$1,000(適用於港威酒店營運餐廳或客房送餐服務單點菜單)
  • 保證30小時入住(提前於早上10時入住及延遲至下午4時退房,不適用於2021年2月12日至14日)
  • 小朋友可獲贈Piccolo迎賓禮品
  • 客房內驚喜小禮物
  • 免費為12歲以下小朋友加床一張