泰國向來都是香港人的心水旅遊目的地,但一般5日4夜套票動輒就要花上2、3千元。泰國旅遊局為了推動泰國旅遊 業,聯同多間航空公司以及旅行社,喺嚟緊周末(4月22-23日)嘅 泰國 旅遊 節推出震撼價「$999套票」,心郁郁想去泰國嘅你,仲唔快啲睇熟同抄低以下優惠詳情,準備去搶套票!

text: Kassidy|photo: 相關機構

$999 泰國套票 限量110套

是次活動限量搶購的旅遊套票基本由3日起跳,最抵玩5日4夜都有,包機票以及住宿,必須2人同行,每人限買1套,地點不單有港人最愛的曼谷,亦包括華欣、芭堤雅。要搶到$999旅遊套票(未連稅項及附加費), 4月22日 10:30am就會開始在現場派籌,1:00pm正式開賣,先到先得,記住帶同護照同足夠現金!有好籌冇心水?即睇以下排隊必搶之選。

泰旅節去年盛況,套票優惠最受人歡迎!
泰旅節去年盛況,套票優惠最受人歡迎!(圖:相關機構)

抵玩之選:曼谷+芭堤雅/華欣 5天套票

$999去足5日4夜、2個地方,絕對係至抵玩之選,剩係住酒店都已經抵番條數!仲要坐非廉航的泰國航空,平均來回曼谷機票都HK$1,000以上,地點除了芭堤雅,亦會有華欣選擇,平均每人慳上2、3千元,有長假的你必搶這10套套票!

住在芭堤雅可以即日前往多個水上樂園或靚海灘。
住在芭堤雅可以即日前往多個水上樂園或靚海灘。

新淨首選:曼谷4天住新開Marriott

萬豪集團旗下的曼谷皇后公園萬豪酒店(Marriott Marquis Queen’s Park)去年尾rebrand重新開幕,酒店位於曼谷市中心Phrom Phong,一般住1晚都要$1,000 up,現時住3晚連機票每位都只係$999!

萬豪集團旗下的酒店,實屬有保證之選,加上是新開酒店,套票吸引力大增。
萬豪集團旗下的酒店,實屬有保證之選,加上是新開酒店,套票吸引力大增。(圖:酒店提供)

新開次選:曼谷3天住Mövenpick

最近兩年新開幕,位於 Sukhumvit BTS站附近,酒店設計簡約,房間空間感極足夠,網上評論一致好評!想試住新酒店的旅客可以考慮這個套票,對比起其他3天套票,這家酒店實屬不俗之選!

酒店泳池有眾多旅客推介,搶到套票的旅客可以一試!(圖:酒店提供)
酒店泳池有眾多旅客推介,搶到套票的旅客可以一試!(圖:酒店提供)

豪華之選:曼谷3天住Conrad

平時住1晚曼谷Conrad都要過千港元,現在居然連機票住宿住上兩晚只需要HK$999!只有1個短假期的你又想豪住1次酒店,倒不如考慮這個套票,去番個奢華的曼谷之旅!

去旅行總要豪一次!用$999就住到咁高級酒店,絕對抵!(圖:酒店提供)
去旅行總要豪1次!用$999就住到咁高級嘅酒店,絕對抵!(圖:酒店提供)

下載手機app 3.5折歎香格里拉spa

泰旅局推出「Gals Getaway In Bangkok」手機程式,用呢個app可以睇盡泰國潮流活動、享受各式各樣泰國美食,喺泰國節期間登記成為會員更加會有遊泰優惠,包括以超優惠價THB 1,200/HK$271享受曼谷香格里拉大酒店CHI Spa 的60分鐘按摩(原價THB3,300/HK$747),唔使HK$300就可以享受5星酒店按摩,激抵啊!同場仲有大量有獎遊戲活動、免費泰式按摩等,千萬不要錯過!

香格里拉 CHI Spa 只需要2百多港幣就嘆到,去旅行當然要梳乎下。(圖:酒店提供)
香格里拉 CHI Spa 只需要200多港元就歎到,去旅行當然要梳乎下。(圖:酒店提供)

泰國節2017 THAICATION 泰想放假
日期:2017年4月22日 – 23日
時間:12:00nn-7:00pm
地點:西九龍奧海城2期地下
套票派籌時間:2017年4月22日10:30am,1:00pm正式開賣
facebook:Tourism Authority of Thailand (HK) / 泰國政府旅遊局 (HK)

延伸閱讀:【曼谷交通 指南】機場快線、BTS空鐵、MRT教你如何乘搭最划算!

Thai_2017


thai_supermarket