Mott 32 杜拜
米芝蓮推薦的杜拜Mott 32 位於JBR Address Beach Resort 73 樓，望到Ain Dubai及海景。餐廳融合了廣東、北京和上海的傳統中餐風味，主打手工點心和中菜，如42天蘋果木烤北京烤鴨，是杜拜很受歡迎的餐廳。
招牌菜
使用陳年黑醋和季節水果調味，不過Carmen就認為非常失望：「杜拜唔食得豬，用咗雞肉代替，不過食落唔脆，又冇椒冇菠蘿，又甜得濟。對香港人嚟講真係唔好食。不過調味做咗在地化，法國人老公就好鍾意啦」。
這道菜是以椒鹽調味，炸至酥脆的軟殼蟹，是餐廳的熱門海鮮菜品之一。Carmen認為：「呢個好食得嚟又幾特別，下面又加咗啲炸薯角，符合返西方客人，但我就覺得有啲奇怪」。
燉煮牛肉配上脆薯的爽脆，Carmen認為這是全餐飯最好吃的：「醬汁又濃又香，牛肉又有牛味，食落都似係用咗法式煮法」。
這道42天蘋果木燒北京片皮鴨是招牌菜，Carmen指：「我以為會有隻鴨喺面前片，點知佢哋係整晒好一碟咁上，同埋冇咁最重要嗰塊片，不過我覺得係好食嘅」。
點心
Carmen的Brunch Set 有3款點心包捨鴨肉配法式四季豆餃、南瓜蝦餃、黑松露野菌素餃。Carmen認為好失望：「啲皮唔軟熟、唔煙韌，皮又有顏色，想食返正正常常嘅點心。最好食反而係素餃，唯一一道有香港味道」。
其他
Carmen分享到最失望的是沙律和春卷：「沙律話係松露汁，但食落甜到不得了，最後要走汁先食到。春卷連香港普通酒樓都好過佢」。四季豆及炒飯：「有香港正常茶樓嘅水準」。
環境
位於JBR Address Beach Resort 73 樓，戶外望到Ain Dubai及海景，Brunch時段餐廳會有DJ打碟，越晏音樂越澎湃，Carmen指：「坐唔到出面，天氣太熱啦。室內有DJ同Free Drink，加上當日係爆場，所以有啲嘈」。
整體體驗
Carmen很喜歡Mott 32 HK，但杜拜分店令她很失望：「香港啲叉燒好食，星加坡朋友嚟香港都特登帶佢哋去Mott 32 HK，真係覺得見得世面。可能杜拜做西方客人為主，唔係香港食嘅味道，食完更加想返香港食嘢」。
🏠Mott 32 Dubai
📍地址：Al Mamsha St – Dubai Marina – Dubai – United Arab Emirates
⏰時間：6PM – 1AM；12:30–4 pm, 6 pm–1 am(Sat)
在 Instagram 查看這則貼文新假期 Weekend Weekly（@weekendweekly）分享的貼文
