Gulf Air商務艙|Gulf Air海灣航空同樣是中東的航空公司,航線覆蓋中東、亞洲、歐洲和非洲。商務艙「Falcon Gold」主打奢華和高質服務,雖然不是卡塔爾、阿聯酋、阿提哈德航空的級數,但勝在長途機的性價比極高!休息室「Falcon Gold Lounge」的設施亦都非常出色,即睇Gulf Air商務艙評價、貴賓室、飛機餐!

Gulf Air商務艙評價目錄



回到目錄

Gulf Air商務艙評價

經常要來回巴黎及杜拜的法國人人妻Carmen,喜歡和老公一起乘坐不同航空公司的頭等艙和商務艙。今次她乘坐了Gulf Air的商務艙「Falcon Gold」由倫敦飛杜拜,中間於巴林轉機,價錢為$25,418,想知道更多詳細分享記住Follow埋 IG @frenchwifeindubai同GOtrip的Facebook及IG啦!

回到目錄

Gulf Air商務艙評價|座位

今次Carmen乘坐Gulf Air的商務艙(GF 0006),機型波音787-9 Dreamliner,由倫敦飛往杜拜,中間於巴林轉機,飛行時間約9小時,價錢為$25,418起。Gulf Air的商務艙坐位分布2-2,Carmen形容:「座位閣落,長形空間好大,窗口位佔咗4個窗,比起Q-Suite只有2個窗。加上波音Dreamliner機型覺得好好坐」。

由於同期坐完Q-Suite,Carmen比較之下認為各有優缺點:「Gulf Air腿部嘅郁動空間好大,Q-Suite隻腳要塞入個窿度,但變相電視機就會好遠。但Q-Suite多咗張枱放嘢同埋儲物空間充足,但Gulf Air只有旁邊少少位置,啲Mask唔知放邊好,有儲物空間真係差好遠」。

Carmen認為窗口位的私隱度更高:「窗口位會凹入去,感覺好似坐緊一個Suite咁,私隱度極高,打橫瞓都冇人理你」,不過2-2的設計,出入都會有些少不方便。

Gulf Air商務艙 Gulf Air的儲物空間不多。(圖片來源:IG@frenchwifeindubai)
Gulf Air的儲物空間不多。(圖片來源:IG@frenchwifeindubai)

回到目錄

Gulf Air商務艙評價|飛機餐

因為飛機是紅眼機,所以Carmen今程沒有吃到飛機餐,但早前食過覺得一般:「唔好期望係阿聯酋、卡塔爾嘅質素,用嘅食材亦都比較普通,唔會有名貴食材同靚酒。個人認為國泰飛機餐會好食啲,但唔難食的。 所以坐紅眼機啱晒,瞓得舒服又唔使食飛機餐」。



回到目錄

Gulf Air商務艙評價|服務+護理包

Carmen第2次乘坐Gulf Air商務艙,2次都覺得服務好好!護理包主要提供Rituals的產品,例如有襪、眼罩、耳塞、牙刷與牙膏、漱口水、梳子、潤唇膏、面部與手部保濕霜、香水、拖鞋與睡衣。

Gulf Air商務艙 (圖片來源:IG@frenchwifeindubai)
(圖片來源:IG@frenchwifeindubai)

Gulf Air商務艙小插曲

一開始買機票時見到轉機時間只有55分鐘,Carmen都擔心行李未必轉得切:「倫敦飛巴林嗰程真係Delay,最後轉唔切,改咗飛2小時後嘅班機,好彩巴林飛杜拜班次都好密,情況都好常見,當地職員好熟悉處理呢種情況」。

回到目錄

Gulf Air商務艙評價|巴林貴賓室

Carmen改簽飛2小時後的班機,可以免費享用巴林機場的Gulf Air貴賓室, 她指:「食咗早餐、沖埋涼就上機,但貴賓室係冇風筒,洗唔到頭」。

圖片來源:IG@frenchwifeindubai