羅馬Imàgo連續16年米芝蓮1星 俯瞰整個西班牙廣場$2,012 起

喜歡到世界各地歎美食的Nicole，她早前去了歐洲旅行，品嚐了這間米芝蓮1星餐廳！ 想知道更多詳細分享記住Follow IG @gogo.eating.around 同GOtrip的Facebook啦！

回到目錄

羅馬Imàgo Tasting Menu 16道菜$2,012起

Imàgo位於是羅馬地標性的5星級酒店Hassler Roma的6樓，坐落在著名「西班牙階梯」頂端，一邊食飯一邊望永恆之城、萬神殿。Nicole指：「餐廳提供兩種位置可以選擇，First Row係窗邊位望到靚景，但係由於我提早一個月訂都訂唔到，所以就坐Second Row啦。不過訂唔到第一行都唔緊要，7樓頂層有一個位置可以睇風景，我就提早少少到去睇咗一下個風景」。

整體來說Nicole認為廚師非常用心：「我哋食咗十幾樣嘢，大部份都係一兩啖嘅份量，飽肚之餘又試到好多意大利特色嘅菜，我諗廚師係希望用最多嘅次數，用最少嘅份量，令到客人可以試到唔同嘅特色美食」 。

餐前小食已經有4道Nicole：「講真呢幾樣嘢我唔記得佢個名，因為唔喺Menu度，但係一食落去就知道嘢係意大利菜，有蕃茄，芝士，肉碎酸酸甜甜，好開胃」。

Pasta都有3款：「廚師整咗三款唔同口味、唔同Pasta嘅主食。 例如第1道是迷你Ravioli，細細啖好得意，裡面竟然係兔肉，都好味嘅；第2道係薰衣草Pasta，味道就因人而異，我覺得好特別；第3道嘅感覺似Carbonara」。

Nicole認為：「主廚唔單止喺佢想表達嘅意大利菜式表達得好好，其他食材包括海參、龍蝦等海鮮都處理得很出色」

Imàgo餐廳擁有超過1,500款酒的酒窖， 包意大利各產區、法國勃艮第Burgundy與波爾多Bordeaux。

將意大利特色融入Fine Dining更加有新鮮感

「平時意大利畀人嘅感覺都係意大利粉，Pizza比較多，呢度將意大利特色同埋Fine Dining混合得好好，所以比起法國Fine Dine 更加有新鮮感」。