紐約餐廳5間必食目錄
經常要來回巴黎及杜拜的法國人人妻Carmen，喜歡和丈夫一起乘坐不同航空公司的頭等艙和商務艙。早前Carmen就到紐約旅行，推薦了5間紐約的高級餐廳！想知道更多詳細分享記住Follow埋 IG @frenchwifeindubai同GOtrip的Facebook及IG啦！
紐約餐廳｜米芝蓮推薦Manhatta
Manhatta 是紐約金融區高空景觀餐廳之一，位於28 Liberty Street大樓的60樓，於2018年開幕，迅速成為城中的高空Fine Dining地標。可以望到曼哈頓、布魯克林橋、帝國大廈和哈德遜河的全景，同樣是一間米芝蓮推薦餐廳。早前Carmen到Manhatta食午餐埋單HK$1,645 ，人均HK$822，大讚食物高水準。
Carmen認為餐廳最緊要價錢和質素成正比：「本身好少去啲唔係5星級酒店嘅餐廳，因為好驚得個景靚，食物麻麻。但呢間Manhatta 係咁多間靚餐廳當中最好食，我同老公都好滿意！唯一唔好就係杯Cosmopolitan太重手，飲到第2Round」。
Carmen認為好味的菜式：「油甘魚配咗一個提子喺上面，再加咗花生同醋汁，個配搭好好食，食材新鮮無腥味」、「主菜鱸魚值得一讚，本身個白汁有啲咸，不過連埋魚一齊食就啱啱好，我全部食晒」。
Carmen的丈夫的漢堡亦都好好食：「佢話好味道，係一個出色嘅Burger。我試咗一塊薯片，食得出係新鮮炸，暖暖地又好脆」。
甜品方面，Carmen平時要前菜和主菜都好食才會叫甜品：「我哋叫咗一個朱古力撻，入面有啲榛子Cream，撻皮好脆，相信佢係朝早啱啱整好，好好食」。
Carmen感到非常有驚喜：「去到靚景餐廳加上食物高水準，無中伏真係好開心」。
紐約餐廳｜韓式餐廳Genesis House
Genesis House 是位於紐約Meatpacking District的韓國現代料理餐廳，於2021年底開幕。除了是一間餐廳之下外，還有圖書館、茶亭、展覽館，一樓還有Genesis豪華車展覽。Carmen今次主要是來看和Gwyneth Paltrow合作的Lighting Show 《The Forest Within》，光顧餐廳就可以不用排隊，而且食物好味，價錢相宜：「午餐價錢係HK$514，加埋Wine Pairing都係HK$280， 我覺得好抵食」。
Carmen點了一個Lunch Set：「第一道鱸魚我覺得麻麻地，但第二道的海藻蟹肉Risotto就好好食，雖然綠色影相唔係太靚，但出奇地好味」、「36個小時熬嘅牛骨湯麵，入口濃稠，好食到不得了，連法國人老公唔鍾意飲熱湯都飲晒」。
最後以意式奶凍甜品作為結尾：「韓國黑莓製成嘅Panna Cotta，仲有啲蛋白酥，我本身都鍾意食，正常發揮」。
整體來說，Carmen認為非常抵食：「菜式嘅肉類少咗啲，大部份碳水為主，但價錢唔貴又好食，唔使加錢就可以入到去睇Lighting Show都幾好」。
紐約餐廳｜米芝蓮1星Le CouCou
Le CouCou 是位於紐約SoHo區的法式餐廳，於2016年開幕，已連續6年獲得米芝蓮1星。由主廚Daniel Rose主理，提供高質的傳統法國菜。Carmen指：「將傳統嘅法國菜整得好好味，有法國人老公認證」。
「食咗咁多年鵝肝，如果係啲低質嘅鵝肝我係食唔落，因為太大陣鵝味。而Le CouCou嘅鵝肝好食到我要切開慢慢品嚐」、「龍蝦上嘅時候已經剝咗殻，配咗一個Butter Pepper Sauce，龍蝦好彈牙好新鮮，不過我個人口味就覺得個汁有啲Heavy」
「老公就叫咗一隻鴨，用傳統嘅法國煮法製成，就係好食唔花巧，專心做好法國菜」。
服務方面，職員的笑容、禮貌、選酒都到位。價錢，Carmen認為是一間值得去的高級餐廳。
紐約餐廳｜米芝蓮推薦法國菜Benoit
Benoit是總店位於法國巴黎米芝蓮1星餐廳，紐約分店入選米芝蓮推薦，尚未奪星，是米芝蓮3星主廚Alain Ducasse旗下的。Carmen和丈夫第一次試到Alain Ducasse的餐廳：「誤打誤撞入咗去，我全程都好enjoy。法國人老公都讚呢間餐廳係Classic， 好似去咗法國食咁」 。
今次午餐就有3個Course，第一道就是Pâté en croûte：「我成日都話佢係鬼佬午餐肉，亦都係我最鍾意嘅法國前菜，整得好好味」；「主菜就係龍蝦意粉，意粉麵質彈牙。龍蝦汁都好好味，諗返起已經流口水啦」。
Carmen的丈夫都認為非常好食：「佢好腌尖， 只要鵝肝唔好食就會皺晒眉頭，但佢都覺得好味」；「主菜就係Croque Madame法式三文法夾住火腿同芝士，佢平時早、午餐都係食呢個傳統法國菜」。
甜品方面就是一個正常的梳乎厘：「對我嚟講就有少少甜，不過係正常甜度嚟嘅」。
紐約餐廳｜米芝蓮推薦印度菜Kanyakumari
紐約的米芝蓮推薦的印度菜「Kanyakumari」，Carmen原本想食越南菜，點知誤打誤撞入了Kanyakumari，大讚是：「 仲未去過印度，暫時係全世界最好味嘅西方印度菜，仲好食過倫敦1星的Amaya。最後一晚都返咗去Encore，唔知幾時先再食到 」。
「牛肋骨一定要食，我哋嗌咗兩份，即使好大份，印度香料好豐富又唔太鹹，好足牛味」；「炸薯仔球，唔係太記得，但記得係香脆嘅，賣相都唔錯」；「然後印度炸雞都好食，有咖喱味道、香料味同薑味，雞肉都好鬆軟，炸到脆卜卜」；「我好鍾意食印度菜嘅Naan，但呢度做咗啲創新，食落有蒜味同卜卜脆，又有啲薯蓉，其實唔應該食晒，太邪惡了」。
更多關於Carmen的分享：
回到目錄
