皇朝會首間日本菜館
香港頂級私人會所皇朝會，近期推出首間日本餐廳「秋（Aki）」，是皇朝會首間日本菜館，由曾經於Azito擔任主廚的Tomi Yoshi @tomi0625 主理。菜單融合京都料理哲學，追求季節流轉，套餐價錢為$1,880 起。
整體體驗
Nicole @gogo.eating.around 開店第2日就拜訪了：「嗰日都係母親節，於是同屋企人一齊去用餐。個人認為整體用餐感覺很好。發揮到Kaiseki的應有水平，無論是刀功，菜式搭配，新鮮度，都恰到好處」。
最喜歡菜式
Nicole最喜歡胡麻麵：「刀功很厲害，將麵條切得非常幼細，把所有醬汁吸收在內，每一口都是香濃的胡麻味，細細碗不會膩，亦都夠冰涼，所以超級開胃」。
Nicole認為最特別就是旁邊的靈魂醬汁：「用淮山同梅製成，代替咗傳統嘅雞蛋汁。個人認為可以解膩之餘，仲令到牛肉嘅鮮味更突出。由於太惹味，我同屋企人都refill咗兩碗飯」。
準備二訪
有幸食過幾次Chef Tomi主理嘅Azito，到結業嘅時候都依依不捨。後來再去皇朝會Aki擔任主廚，興奮到開業第2日就去了！我非常喜歡胡麻麵、壽喜燒這兩道菜的配搭，所以準備再訪了。Nicole：「有時女仔食Fine Dining或者Omakase，最驚食到好滯，我覺得廚師們最需要花功夫令到客人食得飽又舒服，唔好淨係得個滯字， 我覺得呢度就做得好好。嚟緊準備二訪， 期待新的菜式和新的變化。」
🍣秋Aki
📍地址：灣仔港灣道1號香港會議展覽中心西南翼7樓
🚊交通：港鐵會展站B1出口, 步行約4分鐘
在 Instagram 查看這則貼文新假期 Weekend Weekly（@weekendweekly）分享的貼文
