IKEA梳化區打發時間？連登仔怒轟：「點解啲廢人可坐成日？」
IKEA是不少人在搬家、添置傢俬時都會專程去看看的大型家品店，順便獲得設計靈感，加上現在也有IKEA餐廳，提供一站式吃飯逛街購物體驗，不失為情侶拍拖好去處。連登討論區上有網民發帖，怒轟「其實點解啲廢人可以喺IKEA坐成日？」直指梳化區上坐全日的客人無所事事，行為更影響店家做生意！
樓主指他在日頭前往IKEA睇梳化，在夜晚再度前往去睇床架，發現「有兩三對擺明坐足成日無起過身」，加上自己行埋去睇梳化時被他們眼超超，令他大感憤怒，直指行為「阻人做生意」、「無所事事」，並慨嘆「點解啲人可以咁廢」。
網民認同IKEA內的確有樓主所述的人，行為是「完全阻X住真係想睇產品嘅人」、「對真係想買嘢嘅人好困擾」、「有啲擺明等吓老婆都算，有啲成班直頭坐喺度打機」，更有網民發曾發現「幾個𡃁仔匿埋喺示範單位啲細房鋤dee」等怪異行為。
網民反擊：情侶拍吓拖不知幾開心
不過也有網民認為「人哋冇錢拍拖，去IKEA歎下冷氣，低消費高享受，坐下梳化，開開心心過一日」，總比日日都要去打卡hightea來得開心。
