上次1月政府推出「欣賞香港-優遊博物館」,全香港康文署轄下嘅博物館,喺1月都免費開放俾公眾入場。估唔到未到半年,政府又有免費開放博物館活動啦!2016年 國際博物館日 ,香港有42間博物館(20間康文署轄下,22間其他文博單位)於 5月14、15 號免費開放俾公眾參觀。但注意 香港藝術館 和 香港太空館 仲維修緊,大家唔好去錯啦!雖然國際博物館日有42間博物館免費開放,其實部份博物館本身都免費入場,想知去邊博物館可以賺回票價,我地就推介5間平時要收費嘅博物館俾大家!

1) 香港文化博物館

沙田嘅香港文化博物館,唔知大家細細個有無去過呢?細個住沙田區嘅就一定去過啦!最好玩嘅一定係兒童探知館,有得玩沙包同魚缸,入面仲有好多懷舊玩具展覽!

除咗兒童探知館,依家仲有李小龍展覽,有得睇《李小龍風采一生》紀錄片,座位先到先得,要去就要早啲啦,展覽去到2018年。(圖片來源:香港文化博物館)

館內有仿米埔濕地,等你認識吓特別動物嘅品種。(圖片來源:香港文化博物館)

館入面仲有一D懷舊玩具,呢個機械人你又見過未?我諗依家嘅後生應該唔知係咩。(圖片來源:香港文化博物館)

香港文化博物館

開放時間:
星期一、三至五 : 上午 10 時至下午 6 時
星期六、日及公眾假期 : 上午 10 時至晚上 7 時
星期二(公眾假期除外)、農曆年初一及二休館(票務處將於閉館前30分鐘關閉)
地址 :香港新界沙田文林路一號
網站:http://hk.heritage.museum/


2) 香港歷史博物館

歷史博物館可以令你一日內穿梭六千年,由最初自然生態環境,慢慢去到原始人生活,再經歷漢潮至清朝,之後仲去到鴉片戰爭、日佔時期,再講到香港回歸,所謂「讀萬卷書,不如行萬里路」,襯唔駛錢去學下嘢!

香港歷史博物館

開放時間:
星期一、三至五 : 上午10時至下午6時
星期六、日及公眾假期 : 上午10時至晚上7時
星期二(公眾假期除外)、農曆年初一及二休館
地址: 九龍尖沙咀漆咸道南100號
網站:http://hk.history.museum/


3) 孫中山紀念館

大家睇十月圍城都知孫中山國父是家喻戶曉的革命家,電影仲係博物館附近取過景,博物館位置中上環,充滿舊香港味道,如果大家5月去開,不妨去孫中山紀念館睇睇!

孫中山紀念館

開放時間:
星期一至三、五:上午10時至下午6時
星期六、日及公眾假期:上午10時至晚上7時
星期四(公眾假期、孫中山先生11月12日誕辰及3月12日忌辰除外)、農曆年初一及二休館
地址:香港中環半山衛城道7號
網站:http://hk.drsunyatsen.museum/

下一頁:仲有邊個值得去?附免費入場博物館清單

4) 香港海事博物館

香港海事博物館係中環八號碼頭,地點方便,仲面向維多利亞港,參觀之外仲可以欣賞維港嘅景色!海事博物館除咗有香港嘅海事,仲有好多藝術展覽,例如《莎茲亞‧西坎達:意象演義》展覽都好值得睇睇!

香港海事博物館

開放時間:
上午九時半至下午五時半 (星期一至五)
上午十時至下午七時 (星期六、日及公眾假期)
農曆年初一及初二休館香港中環八號碼頭
地址:中環八號碼頭
網址:http://www.hkmaritimemuseum.org/chi/


5) 香港海防博物館

香港海防博物館前身是鯉魚門炮台,當時仲係英治時期,所以炮台由英國皇家工程兵團設計和建造,炮台經過日軍攻陷香港嘅淪陷時期,見證香港人嘅歷史,而且炮台景色好好,可以影下相。博物館仲攞過2000年度香港建築師學會銀牌獎,值得參觀呀!

香港海防博物館

開放時間:
星期一至三、五至日:上午10時至下午5時

星期四(公眾假期除外)、農曆年初一及二休館
地址: 筲箕灣東喜道175號
網站:http://hk.coastaldefence.museum/


追加: 免費入場博物館清單

有咩博物館會於5月14,15號免費開放?咁就要留意下面個List啦!康文署轄下嘅博物館除咗香港歷史博物館、香港文化博物館、香港科學館、孫中山紀念館、香港海防博物館之外,仲有其他博物館:

其他免費入場嘅博物館,最抵玩係香港海事博物館。