turbojet01

近近地嚟講,澳門一直都係香港人週末遊嘅頭幾個選擇。不過對於新界嘅朋友,下下都要去上環或者尖沙咀搭船其實都幾麻煩,不過好快大家就多個新選擇:就係由屯門坐噴射飛航去澳門啦!

有咗新航線,咁新界嘅朋友就算搭夜船,之後搭的士返屋企車錢都冇咁甘啦!

1) 唔係一早有啦咩?宜家開返有咩唔同?

唔知大家仲有冇印象,其實早喺2011年西北航運已經有屯門去澳門呢條線,不過因為航程耐、人流太少所以喺2012年就停咗。宜家開返,最大嘅分別就係今次用噴射飛航,速度當然會快好多啦!

2) 咁要搭幾耐?船飛又幾錢?

根據船公司早前發放嘅新聞稿所講,往返屯門及澳門的航線,航程僅需約 35 至 40 分鐘!

票價方面似乎唔多著數,TurboJet喺留言區回應「票價跟港澳線相同」,但就加收$28碼頭服務費;今次官方就宣稱會「推出船票優惠」,有興趣嘅朋友要等下啦!

12466289_10153385587397898_1773883013488574490_o

3) 咁一日有幾多班船?幾時有得搭?

新航線預計今年1月28日開始有得搭,趕及農曆年前啟航,首三個月將先提供日航服務,隨後將伸延至晚上 10 時,並計劃逐漸增加每日航班至每半小時一 班。

macau

新界居民點睇?

班次唔多,除非你直接住喺屯門碼頭附近,否則吸引力都唔算太,有元朗網民就以用家角度表示「寧願搭968出上環,一落車就係港澳碼頭,唔塞車只係35分鐘。去屯門要搭西鐵轉輕鐵就一世紀咁耐、輕鐵仲好臭添!」(1月19日更新)亦有網民強烈反對並爆粗表示:「元朗搭輕鐵由頭搭到落尾起碼頭都唔會耐得過搭968出上環啦!」並指斥輕鐵臭唔過地鐵,將討論轉移咗去味覺層次,非常有趣;不過整體而言,屯門居民都表示歡迎,期待加密班次之餘,仲好想撲到平船票過大海!

延伸閱讀:

2016年黃鴨轉戰澳門科學館!

【澳門新濠影滙】$458自助餐真係咁抵食?

過大海追芒草!征服 澳門 之巔