機場食飯有機會贏走價值六萬蚊機票禮券?香港機場盛夏購物滋味賞一文睇清

又到暑假，無論你係已經plan好行程準備出發，定係留港消費，相信都感受到熱辣辣嘅夏日氣氛！對於準備去旅行嘅朋友仔嚟講，喺機場食返餐好西醫肚，已經成為指定動作；而就算無外遊計劃，機場其實一樣有方法令你開心消費兼賺盡著數！

今個夏天，香港國際機場就推出咗「在機場裡遊滋味嚐不停」活動同「盛夏購物賞」，登記餐飲消費有機會贏走價值$60,000嘅機票禮券同超過600份獎賞。

想知點玩法？即刻睇落去啦！

機場夏日限定著數｜在機場裡遊滋味嚐不停：累積消費滿$100即可抽獎，有機會贏走價值港幣$60,000香港快運機票禮券

上機前緊係要喺機場醫肚！由即日起至9月7日，香港國際機場推出「滋味嚐不停」大抽獎，參加方法非常簡單。免費登記成為HKairport Rewards會員，喺機場內嘅餐廳累積消費滿港幣$100，再登記返張餐飲消費單據，就可以自動獲得一次抽獎機會，消費愈多，中獎機會愈大，抽獎機會無上限！

想再輕鬆啲增加中獎機會？於禁區東大堂美食廣場嘅自助點餐機落單，埋單嘅時候揀會員付費，除咗賺埋HKairport Rewards會員積分之外，任何銀碼的消費仲都可以額外獲得多一次抽獎機會！食餐飯就有機會贏大獎，真係要快啲參加！

今次推廣仲有可愛嘅AI設計食物造型公仔坐陣，捕捉到佢哋有機會可以拎到靚靚食物造型鎖匙扣同貼紙，為大家打打氣！

同時可以透過HKairportShop.com機場網上商店，購買指定嘅餐飲禮券或餐飲產品，同樣可以參加抽獎，坐喺屋企都有機會贏機票！

講到獎品，今次絕對係超級吸引！

頭獎係價值港幣$60,000嘅香港快運機票禮券（名額1位），足夠你同屋企人或者朋友飛轉長途旅行！另外仲有價值港幣$1,000嘅機場餐飲電子現金劵（名額30位）、價值港幣$500嘅香港快運機票禮券（名額300位），同埋價值港幣$100嘅機場飲品電子現金劵（名額300位）。獎品咁豐富，總有一個機會啱你！

了解更多推廣詳情：

在機場裡遊滋味嚐不停：https://bit.ly/4kTVaRb

1.推廣期由2025年7月24日至9月7日。

2.推廣生意的競賽牌照號碼：60165, 60166

3.受條款及細則約束。

人氣餐廳進駐香港國際機場

香港國際機場最近餐飲陣容勁升級，超過60間人氣餐廳任你選擇！

米芝蓮美食

雲集14家米芝蓮品牌美食，每一間都傳承著地道風味與匠心工藝，包括以精緻中菜聞名的「都爹利會館」、「鏞記」及新加入的「阿鴻小吃」，想食米芝蓮，去機場就啱啦！

人氣咖啡茶飲

若想出發前Chill一Chill，這裹亦匯聚多間人氣咖啡茶飲店，包括「牧羊少年」、「KaravanStop by NODI」、「NUTTEA」、「Urban Coffee Roaster」、「FINEPRINT」及即將登場的「霸王茶姬」。特別介紹NUTTEA帶住招牌堅果奶茶登場，健康又香濃，飛前飛後都啱飲！

打卡餐廳

不可以錯過與好友分享必到打卡餐廳，包括「Intervals」、「蘇浙滙」、「敏華冰廳」及「麥當勞」等，享受美食之餘，更可欣賞機場限定停機坪風景。

早餐攻略

即使乘搭早機都唔需要擔心，機場有超過20家食肆於早上6時前營業，部份甚至5時30分已開門！由咖啡輕食、中式粥麵、精緻點心到茶餐廳美食都一應俱全。記得早啲嚟機場，欣賞獨家機場限定停機坪風景之餘，食飽早餐再出發!

機場夏日限定著數｜盛夏購物賞：會員專享高達3倍積分及$240迎新禮券

食飽飯，當然唔少得喺機場行街shopping！由即日起至8月27日期間，HKairport Rewards會員喺香港國際機場商店或者HKairportShop.com網上商店消費，即可賺取2倍獎賞積分。如果用埋VISA卡簽賬，更加可以激賺3倍積分，即係每消費港幣$1就可以賺到3獎賞積分，即高達10%回贈，儲分速度大大提升！每50積分即可兌換$1 HKIA Dollar，當作港幣$1於超過100間機場餐廳或零售店舖使用。

如果你仲未係HKairport Rewards會員，就更加要把握機會喇！即日起至8月31日，免費新登記成為會員，即賞你價值港幣$240嘅迎新優惠券，可以用喺香港國際機場內的美妝品免稅店BEAUTY&YOU或者免稅美酒商店 DUTY ZERO by cdf，絕對係誠意十足嘅見面禮！

記得把握今個夏天香港國際機場帶嚟嘅多重獎賞！食飯抽獎贏機票，購物儲分換獎賞，即刻撳入下面嘅link了解詳情，體驗一個滿載而歸嘅精彩夏日！