長洲MMA｜兩男子街頭打架 其中一名男子疑似錢嘉樂
內地傳媒以「57歲錢嘉樂被曝街頭與人互毆！動作專業卻被嘲慘敗，對方一直挑釁」為題報道， 指網民上載了一條長約4分鐘的打鬥影片，發現當中一名身穿紅色上衣的男子居然撞樣香港著名武術指導錢嘉樂，但卻在打鬥過程更多次處於下風，該名男子的樣貌及拳法成為網民討論的重點。
疑似錢嘉樂與一名男子發生口角 繼而動武
一條由CCTV錄下的打鬥影片中，一名身穿紅色衣服的男子（疑似錢嘉樂），因為「阻住」身穿灰色衫男子擺放手推車，令兩人先發生口角繼而動武。而內地有網民就認為片中的紅衫男子似極錢嘉樂，所以就引起網民熱烈討論。
湯盈盈：我老公唔會著到紅噹噹
錢嘉樂本人雖然未有就事件作出回應，不過他的太太湯盈盈否認片中人是錢嘉樂，第一時間指：「我老公點會著紅色呀？哈哈，我老公唔會着紅噹噹嘅衫。」又笑指：「我老公話好多人send message同佢講，好好笑，但我老公點會係呢個fashion呀？」。
經理人回應：錢嘉樂斯文、情商高，唔會同人起紛爭
根據《東張＋》的報道，錢嘉樂經理人Helen回應指：「嘉樂現在很忙暫時未找到他。但一看片就知根本不是錢嘉樂，所以無須回應！大家都知道錢嘉樂是最斯文及情緒智商最高嘅動作導演，又怎會同人打交和起紛爭呢！」。
單憑圖片個樣有幾分相似 但打鬥過程「拳都唔識出」
香港網民見到幾張模糊的相片認為的確有幾分相似，並留言指：「就咁睇係幾似」，不過影片中紅衫男子多次處於下風，網民難以相信是著名武術指導錢嘉樂，指：「畢竟都係武指，無咩可能比人㩒住黎打掛」、「錢嘉樂一腳踢死個推車佬啦」、「拳都唔識出，點會係佢」、「少少 form都無，點會係佢」、「紅衫真係廢，最後仲想攞尾彩，又食多幾拳」等回應。