港女落淚指迪士尼人扮公仔藉機抽水　抱腰、揩胸樣樣齊　職員嬲爆澄清：冤枉

港女斥被迪士尼公仔人物藉機「抽水」　又攬腰又壁咚好蝕底！

入迪士尼樂園，不少人會跟自己喜愛的卡通人物合照，惟早前有網民在討論區以「去迪士尼與同迪士尼公仔影相，有無靚女試過被迪士尼公仔抽水」為題發文，想不到隨即引來大批有網民回應。有人表示未有疫情時，「啲女仔好受落被某個好高嘅角色攬頭攬頸」；亦有網民分享親生經歷，指「早幾年去迪士尼仲可以近距離接觸，iron man係勁flirty，嗰陣傾傾吓冇啦啦壁咚之後係咁話要拎電話」。

不過最誇張是有網民試過被巴斯光年攬腰，她表示「真係掂到波邊咁濟，我推開，我都唔知係罩住睇唔到定點」。

職員出面澄清：視線連望人樣都難啊！

不過有網民反擊，覺得扮迪士尼公仔的職員「隔住咁厚嘅公仔衫可以feel到啲乜」、「重裝甲咁有咩好抽」、「件衫咁厚，抽水都感受唔到啦」、「件野咁熱，又厚，連諗嘢都諗唔到啦，仲話抽水」。亦有做迪士尼的職員爆料指，通常扮迪士尼公仔都是女人扮，「迪士尼朋友嘅演員好多菲律賓人，仔女都係，一係矮到得米6或者高到米8」、「跟高度啦，高飛通常都男啦，米奇就女多」、「你話職員見到係女就熱情D可以抽水，根本視線範圍好少，連你個樣都見唔到啊」。

網民撐職員：角色唔熱情又話人冷落你！

對於扮演迪士尼公仔的人來說，除了是一份工作以外就是帶人們輕鬆進入童話世界。在討論區網民留言幾乎一面倒支持職員，指職員都有屬於自己職業道德，而且迪士尼公仔旁邊會有一位工作人員協作，不會過界。只是香港投訴已經成為文化，「宜家啲香港人真係難服侍，唔表現得興奮啲，啲人又話唔friendly 唔夠熱情，被冷落」、「港女最鍾意投訴㗎啦，冇證冇據講咩都得」、「港女真難湊」。