工廈林立的觀塘工廠區,近年愈來愈多新食店,做開樓上私房菜生意的「在家」,最近就推出一系列日式丼飯。放心,不是把刺身砌得高高那種,這裏的大廚相當有心思,苦練出網上大熱的日本 旋風蛋包飯 ! 這道 旋風蛋包飯 需要即叫即煎,更要訂位先有得食。咁巴閉?一齊睇下製作過程!

原文刊於《新假期》網頁

直擊!完美重現 旋風蛋包飯

大廚誠言,在網上看過 旋風蛋包飯 的影片,但自己也苦練了數小時,才成功扭出一片半熟滑溜,像布匹一樣的 旋風蛋包飯 。

旋風蛋完整蓋着 蛋包飯 飯面,飯身吸滿蛋汁,份外滋味。

蛋要發得勻循,熱鑊下蛋,蛋剛剛變企身,就要用筷子,先左後右,扭成漩渦般的模樣!

炒蛋下的雞扒,先煎後焗,再配上微辣的明太子醬汁,香口惹味。

又炸又焗!鴛鴦鰻魚飯

除了 蛋包飯 ,這裏的大廚也相當有心思,做丼飯着重配搭,多於份量,好像鰻魚飯,就一邊吉列,一邊烤焗,兩重口感,雙重滿足!

鰻魚一炸一焗,都大大片,各配不同醬汁,炸的有炙燒沙律醬,燒的則配鮮柑桔,風味各異,但都厚肉且魚油豐富!

鰻魚上麵包糠和蛋粉漿,即叫即炸,金黃香脆!

一邊焗得焦香,油份豐富!

魚生飯 也是心機作

這裏也有一般魚生飯供應,但醬汁配搭,也帶自己風格,不落俗套!

肥美的比目魚邊,配上明太子醬炙燒,入口即化,香而不膩。

 

自家製醋飯在木桶蒸製,甜甜酸酸,配着醬油,鹹香十足,配搭美妙。

小店位置有限,敬請訂座!

在家

地址:觀塘駿業里10號業運工業大廈14G(顯示地圖

電話:9367 2127

營業時間: 星期一至六 12:00nn-3:00pm

平均消費: $100

座位:10

備註: 設加一; 只收現金