觀塘工廈食西餐超戇居｜01. 貴過去港島食飯
他先指出在觀塘工廈食飯價錢絕對算得上是「堅離地價」，觀塘作為一個舊區，食物卻是「港島地舖價錢，甚至更貴，個價同Soho有得揮」。比較普通的「頽飯」、臭汗味撈飯也要$50 -60， 「食啲普通料西餐 ，mk仔煮碟意粉俾你都收成$100， 煎塊豬扒都收$200」。
加上觀塘工廈內標榜賣西餐的餐廳都不會是正宗西餐，「永遠唔會有鬼佬食，唔明憑咩收咁貴」。他更指用同樣的價錢，在Soho、灣仔、西環等地方都可以食到正宗、氣氛好又有特色的西餐。
觀塘工廈食西餐超戇居｜02. 環境極污糟
其次他力批觀塘工廈的環境奇髒無比，「工廈個環境咁污糟，啲用水應該幾恐怖」、「搭架𨋢都就嚟中暑，同啲送貨員迫迫迫，上到去焗到底褲都濕埋」。同時他也指出觀塘工廈外觀又殘又舊，甩皮甩骨，「周圍都係垃圾」，直斥「見到都唔開胃」。加上大部分觀塘工廈餐廳的空間都不算闊落，餐廳內的座位也是非常狹窄，令他鬧爆在觀塘工廈食飯「完全唔可以放鬆」。
觀塘工廈食西餐超戇居｜03. 根本無啖好食
最後他更直指觀塘工廈根本無啖好食，在朋友詢問去哪裡才有美食時，「同人講『喺駱駝漆大廈入面』真係笑X死人咩」，更反問到「究竟咩人可以去觀塘工廈食西餐仲可以津津有味？」，令他百思不得其解。
上千網民超同意：硬要觀塘扮上環，下欄扮上菜！
事主的帖文引來上千網民熱議，大批網民十分同意他的觀點，直指不少觀塘工廈西餐廳收費過於高昂，又「下欄扮上菜」，令人十分無奈：「都幾憎硬要觀塘扮上環……根本中上環個個嫌租貴先搬觀塘發展，點扮都係舊區……」、「呢樣真，駁唔到。食景又冇，食服務又冇，成件事氣氛好MK，但價錢一啲都唔MK」、「根本食意粉食排都係呃錢成本低、價錢高，意粉諗唔明點解可以賣一舊水，真心呃錢」、「比兩百蚊鋸排喺觀塘呢度望條綠化渠就有」。
亦有人分享自己在觀塘工廈食西餐的經歷：「睇咗篇文講個女仔點樣在外國學廚整意粉同CAKE，講返到香港喺工廈開餐廳諗住支持下。一行四人，BOOK好枱去到，抽風不足、堂食區有油煙味、擺枱似茶餐廳，一個意粉收$140， 仲未計加一，我都想好食啫，點知失望而回……」
同時有人指出駱駝漆大廈最大問題正是電梯，駱駝漆大廈的電梯不時都會故障：「打死我都唔會再上駱駝漆三期」、「駱駝漆等𨋢等到你仆街」。 再指出餐廳內的問題：「入到啲餐廳又坐到難民營咁，仲要有啲位上唔到網！」
