「西貢淪陷了!」家住西貢的友人,曾一臉憤慨跟我控訴,假日的西貢快要被游人侵占了。不敢表態其實我也是有份踩平西貢的外來人之一,平日放假沒事做,便會去西貢走走,看看人、玩玩狗,對著藍天無聊發呆,讓腦袋放空。事實上,在香港這彈丸之地,也難以找到另一個地方,可以像西貢般讓人有全然放松之感。趁著暑意漸消,何不來一個西貢小旅行,感受這份西貢區只此一家的小區風味。

01 | 高質平價的法式Bistro-Taste Cafe

雖然店子地方細,位置又吊腳,但食物水準絕對有保證!負責掌廚嘅 Billu 從事餐飲管理已經有二十多年,廚藝工夫紮實到家,對選食料都相當嚴謹。像生蠔選用喺法國同Belon齊名嘅Gillardeau,堅持非級數最高嘅N1唔用。其他例如鵝肝牛扒羊架等全是頂級貨色,就連一杯普通凍檸茶,都喺由法國百年茶王Mariage Freres 嘅茶葉沖泡,認真講究。

白酒炒美國活蜆 $168

美國大蜆厚肉脹身,以乾蔥、蒜片、紅羊蔥、白酒煮過,入口嫰滑無渣,帶濃濃的鮮味。

香煎法國鵝肝配廣東豆腐 $158

法國Rougie鵝肝與廣東硬豆腐看似風馬牛不相及,實情質感同樣外脆內嫰,味道濃淡各異,組合起來卻又出乎意料的匹配。

Gillardeau $58/隻、天使蝦刺身$158/5隻

Gillardeau鹹中帶甜,甜中帶果仁味,味道層次很複雜;Tsarskaya質感帶脆,海水味和金屬味恰到好處;來自南太平洋的天使蝦質感爽口,蝦味濃;美國大蜆飽滿鮮甜。

Taste Cafe

地址:西貢匡湖居商場B8號舖
電話:2719 2511
營業時間:12nn-10pm;逄星期一休息
備註:1. 不設加一,收現金及信用卡;
2. 屋苑設大型停車場,泊車費每小時$16(平日首個鐘免費)
平均消費:$300/位

02 |  私房即日鮮-陶記茶餐廳

如果以為茶記同一般街坊茶餐廳冇分別,你就錯啦。呢到供應高水準嘅私房海鮮,雖然客人可以選擇自攜海鮮加工,但都喺建議交俾店主代勞,因為老闆梁先生對買海鮮有一手,又唔會收取差價。而煮法可以由客人話事,不過餐廳擅長加入西式做法,比西貢其他海鮮檔特別。

建議 4 人海鮮餐 總數$757,189/位

唔少網友都讚水準拍得住西貢嘅海鮮酒家,值得一試!

陶記荼餐廳地址:西貢萬年街32號地下
電話:2194 4553
營業時間:7am-9:30pm
備註:不設加一,只收現金
平均消費:$180/位(私房海鮮晚餐)

03 | 大件夾抵食嘅巨型薄餅- Paisano’s

入到食店,食客都會俾放喺玻璃櫃內嘅24吋巨型薄餅嚇倒,未食已經先聲奪人。餐廳賣嘅唔係傳統意大利式薄餅,而係餅底較厚,兼以大件見稱嘅美式風格。店內 的巨型薄餅可以逐件買($25/件),客人選擇好配料之後,廚師會放喺焗爐翻熱。不過最經濟都喺原個order,價錢由$180起,一大班朋友共享,每人 僅二至三十蚊,名副其實大件夾抵食。

招牌薄餅 $170/14吋、$200/16吋、$340/24吋

意式肉腸、辣肉腸、蘑菇、黑椒欖和洋蔥等餡料鋪得滿滿的,香茄醬調較得直,芝士夠多,餅底入口煙韌帶脆。

自製招牌千層麵 $85

千層麵豐富足料,帶濃郁的芝士香,伴碟的蒜蓉包也是自家出品,質感軟軟的,蒜香十足。

潛艇三文治 $55 

包括生菜絲、新鮮蕃茄、洋蔥、酸青瓜、 黑橄欖、沙律醬及秘製醬汁!

Paisano’s

地址:西貢親民街27號地下
電話:2791 4445
營業時間:11am-11pm
備註:不設加一,收現金,信用卡及八達通
平均消費:$50/位

04 | 罕見的斯里蘭卡菜- AJ’s Sri Lankan Cuisine

你食過斯里蘭卡菜未?原來喺西貢就有一間地道嘅菜館。斯里蘭卡菜同印度菜有點類似,例如咖哩、薄餅、咖哩角,分別在於香料嘅配搭唔同,味道比較清新,菜式採用蒸煮方法居多。膽敢講,如果本身鐘意印度菜,少油少膩嘅斯里蘭卡菜更令人受落。

黑咖哩羊肉 $108

羊肉以炒過的咖哩粉煮過,色澤偏黑,入口先嘗到香料的濃香,咀嚼間酸度如火燒舨滲出,愈食愈起勁。

咖哩蝦 $70 、薄餅$45

辣度溫和的咖哩蝦質感較稀,但椰奶味較濃,味道清新討好,薄餅煙韌有彈性,一點也不油膩。

斯式蒸米粉 $45

以紅米粉新鮮製造,正宗食法是灑小許辣椰子蓉,再蘸上咖哩同吃,米粉質感奶滑,索汁一流。

AJ’s Sri Lankan Cuisine

地址:西貢海傍道14號地下
電話:2792 2556
營業時間:11am-3pm,5:30-11pm(星期一至五);11am-11pm(星期六、日)
備註:設加一,收現金及信用卡
平均消費:$180/位

05 | 令人又愛又憎的會所餐廳- The Terrace

位於私人會所香港遊艇會內的The Terrace,環境清靜優美。餐廳以大路歐陸菜為主,價錢與坊間一舨中價餐廳冇分別,味道合格有餘。中育講句,人地開宗明義行會員制,有差別待遇在所難免,但侍應都態度友善,再講以私人會所嚟講都算低消費,情侶們如果想搵個地方靜靜拍拖,呢到不失為好選擇。

凍天使麵配燒牛肉 $858

明明是頭盤,但分量卻多得離奇,天使麵煮得稀腍,反而三大片燒牛肉很不錯,肉嫰味濃。

燒腩肉配紅桑子汁 $150

賣相一舨,但味道不俗,燒豬腩皮夠脆,肉質有嚼勁,酸中帶甜的紅桑子發揮中和肉膩的效用。

The Terrace

地址:西貢輋徑篤路168號
電話:2792 1463
營業時間:11am-11pm(星期一至五); 9am-10pm(星期六、日)
備註:1. 設加一,非會員只收現金 ;2. 遊艇會門外有空地泊車;由西貢市中心乘的士約$20
平均消費:$180/位