西灣河居民慘被當透明 朋友竟言：「西灣河唔係喺小西灣旁邊？」
西灣河有港鐵站非今日之事，但原來對不少人而言，這區仍相當陌生。事源最近有人以「點解無人識西灣河喺邊」為題，在網上分享被朋友歧視的經驗。事主指，「唔係住港島嘅朋友好似唔識西灣河喺邊咁，每次同人講我住西灣河，對方都會話唔知喺邊，邊度嚟㗎？解釋畀佢聽話柴灣嗰邊，太古同筲箕灣中間，然後永遠都淨係識講好遠喎」。事主更氣憤地指，「話晒都係港島區港鐵站其中一站，咁都唔識！」
誤以為西灣河是小西灣
帖文一出，引來不少西灣河居民迴響，有人指「每次都淨係識問太安樓係咪好多嘢食，太安樓就識去但唔知西灣河喺邊」、「有人問我西灣河係咪小西灣隔離添」、「啲人真係當西灣河透明，有次有人問我係咪即係杏花邨隔離，杏花邨咩都無佢都知」、「西灣河同小西灣啲人分唔到㗎」、「港鐵站佢哋識炮台山、北角、太古，跟著講柴灣，直接skip」。其後事主表示經常「當西灣河透明」的人主要住九龍及新界，因而大家紛紛指「新界養牛唔會識港島區」。
不過亦有非西灣河居民反擊，指「我真係一次都無喺西灣河落過車」、「北角有新光戲院、太古有太古城、柴灣有青年廣場表演睇，西灣河有咩地標值得人去」、「仲講新界係養牛，咁你同你啲朋友其實無分別」、「九龍同新界人過海係唔會去到港島東，所以由鰂魚涌去到杏花邨，唔會有人仔細記得次序。正如你都未必數到美孚至荃灣各站嘅次序，同埋未必知冇一個地鐵站叫葵涌」。
西灣河被透明的話題未完，已有網民問及「西灣河、大窩口、石硤尾」係咪存在感最低的港鐵站，而網民則各有評論，當中4區被拖下水。
1.大窩口
網民指，大窩口非工業區，上班人流又少，存在感可算是荃灣線中最低的一個。
2.石硤尾
網民指，石硤尾存在感亦非常低，每年都有人關心何時取消石硤尾站，這個站稱得上是「多餘」。
3.葵興
網民指，以荃灣線而言，很多人都會把「葵興站」當作「葵芳站」，甚至以為有「葵涌站」，所以葵興站存在低應是相對地低。
4.古洞
有網民指從未聽過古洞，亦未曾到上址，身邊亦很少人說自己居住在古洞。不過古洞站仍未建成，大家也可能言之尚早。
考考你，你知道這建築物在何處嗎？
其實雷生春是位於九龍旺角荔枝角道119號，於1931年建造，樓下是一間正骨診所，樓上是雷家的私人住所。該樓帶有當時典型的中西合璧建築風格，在沒有冷氣機的年代，這種深陽台的設計提供了更多的室外通風空間，提高了起居的舒適度。雖然鄰近的舊建築物早已被拆除重建，但大宅卻倖存了下來，並於2012年經修復改建成中醫藥保健中心。