時代進步,約人去街或 行山 都唔使逐個電話打。不過,唔計嗰啲沉默大多數, 行山搞手 最怕就係聽到呢啲回覆!

  • 好想去呀!

    即係去定唔去?

  • 嗰晚約咗人,中途有冇人陪我走?

    行山係集體活動,你要早退,就自己搵人陪你啦!

  • 我N年未行過山,行唔行到?

    點知你狀態……

  • 到時會唔會落雨?

    約得你即係預計可以起行啦!況且天文台有9日天氣預告,自己可以check…..

  • 可唔可以晏啲出發?

    大多數 行山 活動組織者,已經計好晒活動時間,晏啲出發未必可以完成計劃行程。

  • 可唔可以改行XXX?

    本身已經plan好咗先約,唔好咁啦……

  • 真係好想嚟,不過未買 行山 鞋/ 行山 褲/背囊……

    有心去,點會買唔切?

  • 表情代答「?、??、?、?、?、??、??、?……」

    去就一個字,唔去就兩個,究竟想講乜?

相信每位組織過行山活動嘅朋友,都遇過以上模稜兩可嘅回覆,山雞最怕嘅就係,朋友答完「好想去呀」,之後一直唔應機,點知到活動當日朝早又忽然話出席,最後仲要遲到,搞到成班人等佢一個之餘,仲打亂晒成日行程。

唉,幾friend都係咁話,真係冇下次。各位「領隊」加油!

相關文章:解答新手FAQ--大東山的10個備忘!

路線推介: 8 大最適合新手的 初級行山徑

新手注意!秋冬行山10大宜忌