Van Cleef & Arpels聯同合作夥伴法國五月舉辦 首次於香港登場一連三個周末演出
高級珠寶世家Van Cleef & Arpels一向致力於推動舞蹈文化，皆因其創辦人鍾情芭蕾舞，甚至經常以優美舞蹈姿態作為珠寶設計靈感，因而舉辦DANCE REFLECTIONS by Van Cleef & Arpels 舞蹈藝術節將舞蹈藝術與珠寶連繫起來。去年於倫敦首辦嘅舞蹈節大受歡迎，今年更與合作夥伴法國五月藝術節合作，首度將整個舞蹈節移師香港舉行，一連三個周末將會有9個國際級舞蹈單位為大家帶嚟不同演出，舞台表演、戶外表演、工作坊等等一應俱全，等大家可以全面地接觸到各種舞蹈表演，盡情投入及享受今次舞蹈節！
必睇節目1：《洛伊・富勒：研究》 — 重現傳奇舞者富勒經典舞作《蛇舞》
洛伊・富勒 (Loïe Fuller) 係西方舞蹈史上一位具爭議性但又相當傳奇嘅人物，佢經常會利用大幅絲綢並以舞蹈捕捉火焰、海浪及其他自然現象嘅動態。而今次《洛伊・富勒：研究》將會重新演繹富勒嘅經典作品《蛇舞》，透過獨一無二嘅舞蹈去剖析舞蹈史、舞蹈藝術傳承及掙脫枷鎖嘅歷程。
《洛伊・富勒：研究》
演出日期及時間：5月14日 2:00pm
演出地點：M+ 光庭（ B1 層）
費用：免費
必睇節目2：《自身、兩人、眾人》— 巴黎與香港舞蹈藝術家共同探索香港編舞發展
著名巴黎編舞家克里斯汀・赫佐（Christian Rizzo）於2022年曾與本地舞蹈藝術家遙距進行工作坊，而今次將特別嚟到香港並喺香港演藝學院展開為期三星期嘅藝術家駐留計劃，與本地舞者繼續探索香港嘅編舞發展，共同帶嚟融合編舞及視覺藝術元素嘅精彩演出。
《自身、兩人、眾人 》
演出日期及時間：5月18日 8:00pm
演出地點：香港演藝學院一號舞蹈排練室
費用：登記後免費入場 (FRENCHMAY.COM)
必睇節目3：《留給我最後一支舞》 — 宣揚意大利民俗舞「蹲旋波爾卡」
意大利民俗舞「蹲旋波爾卡」曾經大受歡迎，舞蹈會由兩人一組嘅男性緊抱彼此並以蹲坐姿勢旋轉身體以向意中人求愛，而阿歷山度・沙朗尼嘅《留給我最後一支舞》正正取材於呢項差啲失傳嘅傳統舞蹈，特意設計出一段雙人舞演出以宣揚及復興「蹲旋波爾卡」，演出後更有免費工作坊比大家親身體驗呢項舞蹈嘅有趣之處，即使無舞蹈基礎都可以參加㗎！
《留給我最後一支舞》
演出日期及時間：5月13日 4:00pm 及 5月14日 2:00pm/4:00pm
演出地點：元創方二樓智方
費用：登記後免費入場 (FRENCHMAY.COM)
必睇節目4：《過猶不及》 — 以各個舞蹈片段展現憂鬱思緒
《過猶不及》係著名編舞者克里斯汀・赫佐（Christian Rizzo）與長期合作舞者卡林・加勒貝克嘅作品，自2012年起已經喺世界各地進行表演，作品將以獨舞形式利用舞台空間演出各個舞蹈片段，以動作呈現出憂鬱與流徙嘅概念。
《過猶不及》
演出日期及時間：5月20日 9:00pm 及 5月21日 4:00pm
演出地點：葵青劇院黑盒劇場
購票方法：CITYLINE.COM
必睇節目5：《飛躍人》 — 空中藝術家及極限運動員現場演出空中踩繩
有冇諗過喺香港都可以欣賞到空中踩繩嘅表演？而家機會嚟喇！華捷・奧拉姆丁集合咗一班空中藝術家及極速運動員，將會喺西九文化區藝術公園大草坪到上演一場刺激緊張嘅現場演出，藉着今次表演令大家反思人類與生活環境相處嘅態度。
《飛躍人》
演出日期：5月20日
演出時間：4:00pm
演出地點：西九文化區藝術公園大草坪（位於自由空間旁）
費用：免費
DANCE REFLECTIONS by Van Cleef & Arpels 舞蹈藝術節
日期：5月5日至21日
詳情：https://www.dancereflections-vancleefarpels.com/en/hong-kong
(Presented by DANCE REFLECTIONS by Van Cleef & Arpels)