新界登山路線有好多,行山發燒友CKCHAN就為大家精選左位於東涌的大東山同屯門的青山。佢仲親身教埋大家點行,一定唔怕行錯路呀!

01. 東涌-大東山

大東山登山路線好多人都介紹過,但因為有好多新手都仲係好吃力,所以話其實大東山對於新手黎講,其實唔易!

目的地南山,路牌寫3個鐘唔洗,但其實係要唔休息先有可能3個鐘完成全程,大家唔好比佢呃到。

行左一個鐘樓梯上山,終於見到有景望下,對面個海就係貝澳。

大東山的特色之一:芒草

CKCHAN仲幫各位新手預備左行大東山的貼士,同埋更詳細的路線解說。

更多資料:行大東山睇芒草,其實唔易~!

 

02. 屯門-青山

青山在屯門西鐵站同屯門碼頭中間,有582米高,所以行山者要有心理準備,登山路程並不容易,沒經驗者不宜前往!

告示都提醒行山人士,路段有危險,所以要小心一點。不過沿途都會有其他人行,多個照應。

到達目的地後會找到三角標可坐下休息,看看屯門的景色。

見到一覽無遺的風景,係咪都好想試下行呢?咁就要睇下CKCHAN更詳細的講解啦!

更多資料:青山發射塔

03.世外桃園-芝麻灣半島

因為一個廢棄樓盤而上報,地點偏遠的芝麻灣唔一定要搭船去,由東涌上車搭到貝澳先,都可以去到無人之境澄碧邨:

呢個地方已經起碼30年,但依然係交通不便,只有去長洲船(只有住客先搭得),而且1粒鐘先有1班,連士多仔都無,應該係諗唔到有D咩係有,係得個沙灘,所以再平都好少人考慮入去住

更多資料:世外桃園-芝麻灣半島

 04.屯門一角-龍鼓灘

有無諗過由九龍或者港島入屯門睇日落?交通都幾長程,龍鼓灘係一個有幾百米長沙灘,以下行程就教大家上山睇下個觀景臺位置: 

中間小路全部去山墳,不建議走埋去。山頂就係呢個景,呢個仲係中華白海豚暸望台,但真係咩設施都無……

更多資料:屯門一角-龍鼓灘