食飯配一杯飲品是不少人的習慣,但間店的收費不同,一定要小心留意!有網民表示到熟食中心食早餐時遇黑店,區區一杯凍咖啡居然要價$18,食肆的手法令他事後忍不住到網上抱怨,卻被網民群嘲「見識少」,是徹底的圍爐失敗!究竟是怎樣的一回事呢?

大埔墟熟食中心$18凍啡被指控是黑店

日前有網民於連登討論區發文表示,他有日到大埔墟熟食中心食早餐,在上海麵店叫了一碗炸豬扒上海麵後,就有侍應走到他面前詢問:「使唔使嘢飲?」他覺得一間餐廳有飲品是一件很正常的事,於是就叫了一杯凍咖啡。

黑店 事主叫完炸豬扒上海麵後就有侍應走到他面前詢問:「使唔使嘢飲?」示意圖,非當事人)
事主叫完炸豬扒上海麵後就有侍應走到他面前詢問:「使唔使嘢飲?」(示意圖,非當事人)(圖片來源:TVB《愛回家之開心速遞》截圖)

稍等片刻後,侍應就將凍咖啡放到他面前,他因為口渴就立即喝了一口。侍應就隨即表示:「凍啡$18」更要他立即付款,令他不禁抱怨到:「我呆X咗,咁普通一杯嘅咖啡$18?我認自己垃圾,而且見自己飲咗費事同佢嘈」最後在不情願下付了$18。

黑店 事主最後在不情願下付了$18
事主最後在不情願下付了$18(圖片來源:連登討論區圖片)

後來與他同枱的街坊向他解釋到,他所坐的這一區域是上海麵店與旁邊的小廚店共用,而飲品是出自小廚店之手,所以他的凍咖啡是屬於單點,因此才會這麼昂貴,而一般街坊十分了解他們的手法一般都不會另叫飲品。

黑店 涉事餐廳
涉事餐廳(圖片來源:連登討論區圖片)

事主無奈坦言:「咁樣都得?正常人都唔會估得到原來杯嘢飲屬於另一間餐廳,要直接收你單價」下單途中也沒有說明收費,上海麵店的侍應亦沒有提到沒有跟餐飲品:「等你嗌完先同你講嘢飲係隔離舖頭嘅,可能就係貪我呢啲好少嚟熟食中心食嘢㗎水魚上當」同時他也提到那碗炸豬扒上海麵「難食到X街」,並勸各位網民不要光顧這間黑店。

他提到餐廳所出品的炸豬扒上海麵「難食到X街」,並勸各位網民不要光顧這間黑店
他提到餐廳所出品的炸豬扒上海麵「難食到X街」,並勸各位網民不要光顧這間黑店(圖片來源:連登討論區圖片)

網民:你唔問清楚關人咩事?

事主的黑店帖文,很快就成為了連登討論區的熱門討論文章,但絕大部分網民不但沒有同情他的遭遇,更恥笑他:「自己唔問清楚價錢,18蚊根本係正常價,係你自己onX以為有得跟餐。如果佢收50蚊杯先上嚟開post話係黑店啦」、「自己onX乜都唔睇仲唱人黑店……好多年前散叫都已經18蚊一杯,同埋街市好多都分只做嘢飲或嘢食,自己乜都唔知仲唱人」、「唔止係大埔,根本熟食中心就係冇劃位,人人都可以埋嚟兜生意,你唔敢問就鬧人當你水魚真係幫唔落」。

黑店 絕大部分網民不但沒有同情他的遭遇,更恥笑事主示意圖,非當事人)
絕大部分網民不但沒有同情他的遭遇,更恥笑事主(示意圖,非當事人)(圖片來源:TVB《愛回家之開心速遞》截圖)

見到網民的嘲諷,事主反擊道:「咁都有人可以幫間嘢護航?我的確係冇睇清楚係我問題,但坐喺間舖頭前面個店員幫你嗌完嘢食問你飲乜嘢你會覺得係同一間餐廳好正常?如果係咁佢陣間拎第二款面過嚟話我一直嗌緊第二間餐廳嘅豬扒麵,收我幾錢都得?仲有唔係嫌$18貴,而係當時以為係跟餐$18一杯凍咖啡就好有問題」。

黑店 見到網民的嘲諷,事主反擊到:「咁都有人可以幫間嘢護航?」示意圖,非當事人)
見到網民的嘲諷,事主反擊到:「咁都有人可以幫間嘢護航?」(示意圖,非當事人)(圖片來源:ViuTV《大叔的愛》截圖)

但就有網民回應到:「但事實上人哋從來都冇講過跟餐,就算普通餐廳食飯都未必跟餐有嘢飲啦」、「呢樣係個tricky位,只能夠話你唔熟識個運作。啲枱凳實際上冇劃位,冇話坐呢張枱就歸邊間舖,其他舖嘅人過黎R生意係真係有可能,所以有啲杯碗碟嗰啲會有marking講係邊間舖」反駁他的說法。

黑店 有網民回應到:「但事實上人哋從來都冇講過跟餐,就算普通餐廳食飯都未必跟餐有嘢飲啦」示意圖,非當事人)
有網民回應到:「但事實上人哋從來都冇講過跟餐,就算普通餐廳食飯都未必跟餐有嘢飲啦」(示意圖,非當事人)(圖片來源:TVB《愛回家之開心速遞》截圖)

亦有少部分網民同情他的遭遇:「絕對明白點解會有誤會,你少去熟食中心, 咁樣assume係好正常」、「只能夠話你人生路不熟,未起呢個熟食中心之前嘅臨時街市,啲食肆已經係咁樣營運。呢類share枱嘅熟食中心係咁樣做生意,啲枱實際上係公家。下次唔好怕瘀,問清楚啲」、「呢啲熟食中心擺明做開街坊生意,當買個教訓,下次記得問清楚價錢先」。

黑店 亦有網民同情事主的遭遇示意圖,非當事人)
亦有網民同情事主的遭遇(示意圖,非當事人)(圖片來源:SBS《藍色大海的傳說》劇照)

事件的起因是甚麼?

日前有網民於連登討論區發文表示,他有日到大埔墟熟食中心食早餐,在上海麵店叫了一碗炸豬扒上海麵後…詳情請看

網民對於事主的遭遇有甚麼看法?

事主的黑店帖文,很快就成為了連登討論區的熱門討論文章,但絕大部分網民…詳情請看

圖片來源:TVB《愛回家之開心速遞》截圖、連登討論區圖片、ViuTV《大叔的愛》截圖、SBS《藍色大海的傳說》劇照