自私港媽西九紥巨型營帳霸地野餐　網民怒轟犯法　中2大條件即可被監禁3個月

自私港媽於西九文化區草坪起巨大營帳霸地野餐

日前有網民於Facebook群組「香港風景攝影會」以「獨大。😂」為題帶圖發文。從相片可見，相片拍攝於西九文化區的草坪上，有一群港人於草坪上打開露營品牌Snow Peak一個390 cm長、400 cm闊、220 cm高的紗網客廳帳野餐，光從相片目測營帳亦是十分巨大。亦有網民post出其他角度照片，可見使用巨型營帳的一群人中除了成人外，亦有幼兒。而營帳的上方更有聖誕裝飾及氣球，地上亦有一張黃色野餐墊，相信營帳加野餐墊的佔地非常多。

網民炮轟：又玩串個party！

帖文一出，瞬間就引起熱議！大批網民力批一行人的行為極為自私，直斥西九文化區作為公共空間，不應過份佔用：「頂佢個掣，幾乎霸哂所有嘅草地」、「好快玩爛，依家香港地處處自私自利嘅人」、「公共空間，自私玩咁大，明明無法例，之後就俾你啲X街玩爛，變咗有法例」、「隨時玩串咗個party遲啲連營都冇得紮」、「過份佔用公共空間， 如果每個營都好似你咁大， 就變咗好似劏房林立， 非常自私」、「依家有細路行出去，真係大L晒咁款」、「事實証明，你唔尷尬，尷尬嘅就係人哋」。

更有人戲謔地稱他們的行為是「自製方倉」：「呢種營，好似後面係房，前面係露台，開門行十步，仲有個無敵大泳池」、「其實咁多人，又窄，喺呢啲地方紮營有咩好？去沙灘都話地方大舒服呀，依家好劏房feel…..」、「第一眼望落成個山墳咁」。

另外亦有人留意到營帳並無落營釘，擔心安全問題：「如果係冇營釘，呢啲營嘅重量，一吹翻對附近人士會構成危險，應該要同管理員投訴」 、「營越大越食風，仲應該要拉埋防風繩先夠安全」、「咁大個唔落營釘，大風少少連人帶營有機會風落海…留意返少少安全意識好喎」。

有網民認為行為無問題：又唔係紥一世，又無管制，點玩爛？

亦有網民認為一行人的行為無問題：「法無禁止皆可行」、「呢的好似冇管制㗎喎，點玩爛？」、「有冇同我一樣，覺得冇乜問題，即係好似坐公共交通工具咁，其實仲慳咗位，夠3個家庭」、「其實多人玩咁又唔覺有咩問題啵，兩個人去玩都帶隻營架啦」、「可能我冇興趣去紥營呢類嘢，所以又唔覺有咩問題，紥都唔會紥一世，最多幾日！」

行為屬「走法律罅」　刑罰最高監禁3個月

不過根據西九文化區官方網站資料，任何人未獲書面准許，不得紮營露宿。而根據漁護署資料，香港郊野公園現設有41個露營地點，而當中並沒有包括西九文化區。據現時條例，任何人在特定營區外露營、建立帳幕或臨時遮蔽物，最高會被罰款2,000元及監禁3個月，所以以上一行人的行為或以觸法。

不過亦有網民指出只要一群人在開帳篷時沒有落營釘及打開帳篷門便不算紥營，就不會被檢控，但行為等同於「走法律罅」。