香港桌球大師賽運動員不解安心出行用法 傅家俊：我都用1個鐘先解釋到
香港實行「0+3」以吸引旅客訪港及刺激經濟活動，惟成功刺激經濟前，已先刺激了一班世界級運動員的腦袋。一連4日的「香港世界桌球大師賽2022」將於今日起於香港體育館舉行，香港球手傅家俊在社交平台上表示「剛剛用咗差唔多一個鐘嘅時間同奧蘇，希堅斯，沙比，卓林普，解釋安心出行嘅用法！」傅家俊在賽前球手見面會上指，由於幾位球手下載「安心出行」後滿頭問號，其中沙比抵港兩日已變「藍碼」，問及原因亦難解釋。而奧蘇利雲受訪時則指自己有責任遵守各地防疫規例，笑指一系列的防疫限制能有助他專心作賽。
外國人難選擇「現在離開」及「已經離開」
其後隨即引來伍家謙留言問及：「奧蘇有無話打147仲易過用個app？」；何基佑指「厲害，我淨係同外國朋友解釋幾時選擇「現在離開」同「已經離開」，大家都hang咗機」。
網民：犀利！香港又可以出名啦！
網民看到帖文後笑指其實解釋個app唔難，點用先難，直言「難過set士碌架」，「要解釋入體育館掃一下，到體育館內嘅更衣室前要先離開，再喺更衣室門口掃一下入去，換完衫又要離開再掃返體育館嘅QR，到比賽場門口又要先離開，再掃入比賽場嘅QR code。」
網民更期待知道奧蘇的反應，指「幻想一吓奧蘇等一齊食飯盒，一齊打snooker之情景，香港又出名啦」、「佢哋嚟到香港要每隔2日做PCR，我諗你要做導遊」、「佢哋嚟到無得出街食飯，可以食到香港名物兩餸飯」。亦有網民再溫馨提示傅家俊要再花一小時解釋有關限聚令的安排，指「香港行街唔可以多於4人，但食飯又可以12人，食完飯唔可以一齊行，我驚你畀佢哋笑到面黃」、「佢頭3日都係食外賣，3日後打完飛走咗」。
