對吃貨而言,搵好嘢食係一世嘅任務,喺香港搵食更要尋找新口味!今次記者介紹的 4 間新開食店均位於元朗,有食新奇M&M’s雞蛋仔,仲有人氣炸髀店登陸元朗。事不宜遲,即刻帶大家出發 食勻 元朗小食 店!

到元朗覓食,可以先上網,看看 元朗 谷友們的好推介。最近見谷友們都有介紹這間新開的雪糕雞蛋仔小店。店名與店主的外號一樣,叫做舅父哥,感覺好親切。店內雞蛋仔都由舅父哥自家製作,蛋漿用上十多隻雞蛋,再加奶製作,蛋味香濃之餘,雞蛋仔質地相對軟身,較為像蛋糕。夏天想吃點消暑小食,可以加埋雪糕,一口雪糕再加一口雞蛋仔,絕對是街頭必吃小食!

01) 舅父哥 雪糕雞蛋仔

雞蛋仔口味有原味和朱古力味,全由舅父哥自家製作,蛋味香濃,質地相對地軟身。雪糕口味有9款,朱古力、曲奇、士多啤梨、芒果、豆腐、番石榴、綠茶、3.6牛奶和榴槤。

另一款舅父哥非常推介的,是舅父哥媽媽親手煲的中式糖水。暫時店內有3款口味,陳皮蓮子紅豆沙、雞蛋白果薏米腐竹糖水和陳皮海帶綠豆沙。

舅父哥
地址:元朗鳳攸東街9號好順意大廈15號舖(顯示地圖
營業時間:星期一至日:7am-10:30pm(試業期)
電話:5545 6445

02) 人氣炸髀店登陸!超酥脆生炸雞髀

大埔太和橋邊寂寂無名的宵夜小店,憑著一隻生炸雞髀賣到街知巷聞。今個月於元朗開分店,同樣最受歡迎的都是炸髀。雞髀以吉列炸法製成,粉漿夠薄,雞皮炸得非常酥脆,咬下有沙沙聲的脆口感覺,而且雞肉嫩滑Juicy,配埋自家製辣粉更美味!

三多炸肶
地址:元朗又新街40-48號榮豐大廈地下E號舖(顯示地圖
營業時間:星期一至四:3pm-1am;星期五:3pm-2am;星期六、日和公眾假期:2pm-2am(新開張期)

03) 新奇Mix & Match | M&M’s芝士雞蛋仔

坊間雞蛋仔口味大同小異,原味、朱古力、抹茶等都已經試過了。這間位於又新街的雞蛋仔店,大玩雞蛋仔Mix and Match,單是雞蛋仔餡料已經有 9 款可自由選兩款做配搭,亦有 4 款雞蛋仔口味選擇,讓大眾製作出獨特口味雞蛋仔。

餡料口味包括朱古力(+$3)、芝士(+$5)、紅豆蓉(+$5)、栗子(+$5)、M&M’s(+$5)、OREO(+$3)、蜂蜜(+$3)、黑芝麻(+$3)和紫薯(+$3)。雞蛋仔本身有原味($18)、朱古力($20)、咖啡($20)和綠茶味($20)。

M&M’s芝士雞蛋仔

雞蛋仔餡料並非一次過將兩種食材混合再放上雞蛋模,而是將其分開兩邊製作,所以是不會出現又鹹又甜的情況。見到谷友們比較有趣的配搭是M&M’s朱古力豆配芝士,朱古力豆的脆口感,令原本軟綿綿的雞蛋仔有點口感上的層次。而芝士味有微微鹹香,不過主要都是吃芝士帶點煙韌的口感。

綠茶蜂蜜OREO雞蛋仔

蜂蜜配綠茶這組合最正路,其實想配紅豆蓉,不過在剛開業期未推出,所以想食紅豆蓉的朋友要留意住他們的最新動向。綠茶配OREO,帶點甘香的綠茶配上微甜而脆口的朱古力碎,都幾好味。

森 Sumore
地址:元朗又新街38號恆富大廈地下11c號舖顯示地圖
營業時間:星期一至日:1pm-9:30pm
電話:5502 0802

04) 糧尾恩物 全店便當一律 $28

普通茶餐廳吃個碟頭飯都要三十蚊或以上,不過在元朗區想食平啲啲好容易,事關好多小店都是做街坊生意,價錢親民。這間新開不到一個月的外賣便當店,全店飯盒一律$28,非常適合學生,或者長期糧尾的朋友幫襯。

食28
地址: 元朗 福康街10號A舖地下(顯示地圖
營業時間:星期一至日:11am-9pm
電話:2748 6881

下一頁:元朗Crazy Cart 戶外賽車場玩飄移

延伸閱讀

香港單車遊 | 週末5大單車路線推介 | Skyscanner

本地遊|品嘗元朗老風味