近日有網民於Facebook群組「食在元朗」及「中伏飲食報料區」同步發文，當日他到元朗一間台式餐廳享用早餐，他在菜單的「元氣/特價早餐」一頁中點了一份$38的沙嗲牛肉公仔麵配熱咖啡，另外再加$8加配一份煎蛋及烤吐司。
事主不滿多士得半片
但在侍應上菜、看到餐點後卻令他十分不滿，事主指：「加8蚊只有半片多士同一小隻煎蛋，仲要餐牌上標示特價」直斥餐廳十分「搵笨」，令他十分不憤。同時他亦公開餐廳名稱，企圖在網上公審該台式餐廳。
網民抱不平：蛋都幾蚊隻啦
不過，文章連圖片被事主公開後，網民幾乎一面倒批評事主，網民紛紛指出：「$8差唔多吧，冇獅子開大口喎」、「差唔多啦，蛋都幾蚊隻啦」、「有幾搵笨呀？自己返屋企煮啦」、「最好笑見到+$8都仍然叫喎，加完之後影相上嚟」、「睇到要加8蚊，嫌貴又走去加，加完又話人貴，下次自己帶定麵包雞蛋加料囉」、「淨雞蛋出面都賣緊$1.5 – $2一隻啦！又要煮又有多士，揾人洗碗碟揾人服侍，燈油火蠟都要計，啱數啦」。
後來事主反駁到：「係+8蚊連一整片多士都畀唔到，太過縮水。$8應該要有一整片多士+2隻煎蛋啦」但有網民就隨即反駁到：「係咪改一改玩法，45蚊一個餐加兩蚊有多士煎蛋就即刻覺得好抵？」亦有從事飲食業的網民回應事主：「蛋+麵包成本約兩個半左右，行內食物成本佔總成本約三成，因為仲要加租金人工等，收八蚊絕對合理。」眼見圍爐失敗，被恥笑的事主最後將兩則帖文關閉回應功能，「深潛」了事。
